ព័ត៌មានអន្ដរជាតិ

រុស្ស៊ីបញ្ចូលទាហានថ្មីជាង១៣ម៉ឺននាក់ តែមិនមែនបញ្ជូនទៅអ៊ុយក្រែនទេ

បានផុស

៣ years មុន

នៅ

ថ្ងៃសុក្រ ១ មេសា ២០២២

ដោយ

ប្រធានាធិបតីរុស្ស៊ី លោក វ្លាឌីមៀរ ពូទីន កាលពីថ្ងៃព្រហស្បតិ៍បានចុះហត្ថលេខាលើក្រឹត្យមួយបញ្ជាឲ្យទាហានថ្មីចំនួន ១៣៤ ៥០០នាក់ ចូលក្នុងជួរកងទ័ពដែលជាផ្នែកមួយនៃសេចក្តីព្រាងជ្រើសរើសប្រចាំឆ្នាំ ប៉ុន្តែក្រសួងការពារជាតិបាននិយាយថា មិនមែនការបញ្ចូលដើម្បីបញ្ជូនទៅធ្វើសង្គ្រាមនៅអ៊ុយក្រែនទេ។

បទបញ្ជាបានកើតមានឡើងក្នុងរយៈពេល៥សប្តាហ៍ បន្ទាប់ពីរុស្ស៊ីវាយប្រហារនៅអ៊ុយក្រែន។ រដ្ឋមន្ត្រីក្រសួងការពារជាតិរុស្ស៊ី លោក Sergei Shoigu បាននិយាយកាលពីថ្ងៃអង្គារ៍ថា គ្មាននរណាម្នាក់ក្នុងចំណោមពួកគេដែលបានជ្រើសរើសនឹងត្រូវបញ្ជូនទៅសមរភូមិក្តៅនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី៩ ខែមីនា ក្រសួងការពារជាតិរុស្ស៊ីបានទទួលស្គាល់ថា ទាហានមួយចំនួនត្រូវបានបញ្ជូនទៅអ៊ុយក្រែន បន្ទាប់ពីលោក ពូទីន បានបដិសេធរឿងនេះជាច្រើនលើក ដោយនិយាយថា មានតែទាហាន និងមន្ត្រីអាជីពដែលត្រូវបានបញ្ជូនទៅ។

អ្នកនាំពាក្យរបស់លោក ពូទីន បាននិយាយនៅពេលនោះថា លោកប្រធានាធិបតីបានបញ្ជាឲ្យរដ្ឋអាជ្ញាយោធាធ្វើការស៊ើបអង្កេត និងដាក់ទណ្ឌកម្មលើមន្ត្រីដែលទទួលខុសត្រូវចំពោះការមិនគោរពតាមការណែនាំរបស់លោកដើម្បីដកទាហានចេញ។

ក្រឹត្យរបស់លោកប្រធានាធិបតី ពូទីន បាននិយាយថា សេចក្តីព្រាងយោធាប្រចាំឆ្នាំដែលចាប់ពីថ្ងៃទី១ ខែមេសា ដល់ថ្ងៃទី១៥ ខែកក្កដា នឹងប៉ះពាល់ដល់បុរសៗរុស្ស៊ីដែលមានអាយុចន្លោះពី១៨ដល់២៧ឆ្នាំ។

លោក Shoigu បាននិយាយកាលពីថ្ងៃអង្គារ៍ថា អ្នកដែលបានកោះហៅទាំងនោះនឹងត្រូវបានបញ្ជូនទៅមូលដ្ឋានដែលត្រូវបានកំណត់តាមការចាត់តាំងរបស់ពួកគេនាចុងខែឧសភា។

លោកមានប្រសាសន៍ដែលត្រូវបានចេញផ្សាយនៅវេបសាយរបស់ក្រសួងថា ៖«ទាហានភាគច្រើនបំផុតកំពុងស្ថិតក្នុងការហ្វឹកហាត់រយៈពេល៣ទៅ៥ខែ។ សូមឲ្យខ្ញុំបញ្ជាក់ថា ទាហានថ្មីនឹងមិនបញ្ជូនទៅសមរភូមិក្តៅណាមួយនោះទេ»៕

ប្រែសម្រួល៖ វីរបុត្រ
ប្រភព៖ reuters

Related Topics:ប្រទេសរុស្ស៊ី