ជំនួយយោធារបស់អាមេរិក ដឹកទៅដល់ អ៊ុយក្រែន ហើយ (មានវីដេអូ)

ក្រសួងការពារជាតិអាមេរិកបាននិយាយថា ការដឹកជញ្ជូនអាវុធមួយចំនួន របស់សហរដ្ឋអាមេរិក និងជំនួយសន្តិសុខផ្សេងទៀត បានទៅដល់ប្រទេសអ៊ុយក្រែនហើយ។

នេះគឺជាផ្នែកមួយនៃកញ្ចប់ជំនួយក្នុងទំហំទឹកប្រាក់ ៨០០លានដុល្លារ ដែលលោកប្រធានាធិបតី ចូ បៃដិន អនុម័តកាលពីថ្ងៃទី១៦ខែមីនា។

អ្នកនាំពាក្យមន្ទីរបញ្ចកោណលោក John Kirby បាននិយាយកាលពីថ្ងៃព្រហស្បតិ៍ទី៣១ខែមីនាថា ជំនួយដែលបានដឹកទៅដល់អ៊ុយក្រែនហើយនោះ រួមមានអាវុធប្រឆាំងរថក្រោះ Javelin, ប្រព័ន្ធមីស៊ីលប្រឆាំងយន្តហោះ Stinger, រថពាសដែក, គ្រឿងផ្គត់ផ្គង់ផ្នែកវេជ្ជសាស្រ្ត និងសម្ភារៈផ្សេងៗទៀត។

លោក Kirby និយាយថា ជំនួយក្នុងទំហំទឹកប្រាក់ ៨០០លានដុល្លារ ទំនងជាត្រូវបានផ្តល់ឲ្យពេញលេញក្នុងរយៈពេលប្រហែល២សប្តាហ៍ទៀត។

ជំនួយទាំងនោះ ក៏រួមបញ្ចូលផងដែរនូវឧទ្ធម្ភាគចក្រ Mi-17, អាវុធធុនតូច, គ្រាប់រំសេវ, យានយន្ត, ប្រព័ន្ធទំនាក់ទំនងសុវត្ថិភាព, និងប្រព័ន្ធវិភាគរូបភាពផ្កាយរណប៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Al Jazeera

ចុចអាន៖ អ៊ុយក្រែន រកឃើញជនក្បត់ជាតិ ២នាក់ ក្នុងជួរកងទ័ព សុទ្ធតែជាអ្នកកាន់តំណែងកំពូល