រកឃើញ ផ្កាយ ចម្ងាយឆ្ងាយបំផុតមិនធ្លាប់មានពីឆ្នាំពន្លឺផែនដី

ក្រុមអ្នកស្រាវជ្រាវអន្តរជាតិបាននិយាយថា ពួកគេបានរកឃើញផ្កាយដែលនៅឆ្ងាយបំផុតមិនធ្លាប់មាន ពោលមានចម្ងាយប្រហែល ១២.៩ ពាន់លានឆ្នាំពន្លឺពីផែនដី ។

ក្រុមស្រាវជ្រាវរួមមានតារាវិទូមកពីសាកលវិទ្យាល័យ Chiba របស់ប្រទេសជប៉ុនបានប្រើតេឡេស្កុបអវកាស Hubble សម្រាប់ការស្វែងរកផ្កាយនេះ ហើយពួកគេប៉ាន់ស្មានថា មានទម្ងន់ធ្ងន់ជាងព្រះអាទិត្យយ៉ាងហោចណាស់ ៥០ ដង ។

ក្រុមអ្នកស្រាវជ្រាវបាននិយាយថា ពួកគេកំណត់ទីតាំងវានៅចម្ងាយប្រហែល ៤ ពាន់លានឆ្នាំពន្លឺឆ្ងាយជាងកំណត់ត្រាមុនសម្រាប់ផ្កាយឆ្ងាយដែលបានអង្កេត ។

ទន្ទឹមនោះ ពួកគេអាចមើលឃើញផ្កាយតែមួយនៅក្នុងកាឡាក់ស៊ីមួយ ដោយសារតែបាតុភូតមួយហៅថា Gravitational Lening ធ្វើឲ្យផ្កាយនោះភ្លឺជាង ។

ស្របពេលជាមួយគ្នានេះ ផ្កាយនេះមានចម្ងាយ ១២.៩ ពាន់លានឆ្នាំពន្លឺ ឬអាយុប្រហែល ៩០០ លានឆ្នាំ បន្ទាប់ពីបន្ទុះ Big Bang បានផ្តល់កំណើតដល់សកលលោក ។

ការរកឃើញនេះត្រូវបានគេរំពឹងថានឹងផ្តល់នូវតម្រុយអំពីរបៀបដែលផ្កាយមានការវិវត្តន៍នៅក្នុងដំណាក់កាលដំបូងនៃចក្រវាល ៕

ប្រែសម្រួលដោយ ៖ ជីវ័ន្ត

ប្រភព ៖ NHK