លោក Zelensky អះអាង​ថា ជន​ស៊ីវិលជាង ៣០០ នាក់​ ត្រូវ​សម្លាប់និងធ្វើ​ទារុណកម្ម នៅទីក្រុង Bucha (មានវីដេអូ)

ប្រធានាធិបតីអ៊ុយក្រែនលោក Volodymyr Zelensky បានចោទប្រកាន់កងកម្លាំងរុស្ស៊ីថា បានសម្លាប់ និងធ្វើទារុណកម្មជនស៊ីវិលជាង ៣០០ នាក់នៅក្នុងទីក្រុង Bucha ដែលជាកន្លែង ភ័ស្តុតាងនៃឧក្រិដ្ឋកម្មសង្រ្គាមរបស់រុស្ស៊ី ត្រូវបានលាតត្រដាង។

លោក Zelensky និយាយថា “យើងទើបតែចាប់ផ្តើមការស៊ើបអង្កេតលើរាល់អ្វីដែលអ្នកកាន់កាប់បានធ្វើ។ នាពេលបច្ចុប្បន្ននេះ មានព័ត៌មានអំពីមនុស្សជាង៣០០នាក់ ដែលត្រូវបានសម្លាប់ និងធ្វើទារុណកម្មនៅក្នុងទីក្រុង Bucha តែមួយ។ វាទំនងជាថា ជនរងគ្រោះនឹងមានកាន់តែច្រើននៅពេលដែលទីក្រុងទាំងមូល ត្រូវបានពិនិត្យ ហើយនេះត្រឹមតែជាទីក្រុងមួយប៉ុណ្ណោះ”។

លោកបន្តថា “មានព័ត៌មានរួចហើយថា ចំនួនជនរងគ្រោះ អាចនឹងមានច្រើនជាងនេះនៅក្នុង Borodyanka និងទីក្រុងដែលរំដោះបានមួយចំនួនទៀត”។

“នៅក្នុងភូមិជាច្រើននៃទីក្រុង កៀវ, Chernihiv និង Sumy, អ្នកកាន់កាប់បានធ្វើរឿងដែលអ្នកស្រុកមិនបានឃើញសូម្បីតែក្នុងអំឡុងពេលនៃការកាន់កាប់របស់ពួកណាស៊ីកាលពី ៨០ឆ្នាំមុន។ អ្នកកាន់កាប់ប្រាកដជានឹងទទួលខុសត្រូវចំពោះរឿងនេះ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ចូ បៃដិន ហៅ ពូទីន ថា “ឧក្រិដ្ឋជនសង្គ្រាម” និងអំពាវនាវឲ្យកាត់ទោសមេដឹកនាំ រុស្ស៊ី រូបនេះ