អាមេរិក ដាក់ប្រព័ន្ធការពារមីស៊ីល Patriot ទៅកាន់ប្រទេសអាស៊ានមួយនេះ ជាលើកដំបូង (មានវីដេអូ)

យោធាអាមេរិកបានដាក់ពង្រាយប្រព័ន្ធការពារមីស៊ីល Patriot ទៅកាន់ប្រទេសហ្វីលីពីនជាលើកដំបូង ហើយជាផ្នែកមួយនៃសមយុទ្ធរួមគ្នាដែលធ្វើឡើងនៅក្នុងប្រទេសអាស៊ានមួយនេះ ។

មន្ត្រីអាមេរិកបាននិយាយថា ប្រព័ន្ធខែលការពារមីស៊ីល Patriot ត្រូវបានចល័តចេញពីឆ្នេរសមុទ្រ អំឡុងពេលសមយុទ្ធដីគោកនៅភាគខាងជើងកោះ Luzon កាលពីថ្ងៃអង្គារសប្តាហ៍មុន ។

ប្រតិបត្តិការនេះគឺជាផ្នែកមួយនៃសមយុទ្ធរួមរយៈពេល ១២ ថ្ងៃ ដែលគ្រោងនឹងដំណើរការរហូតដល់ថ្ងៃសុក្រ ហើយមានការចូលរួមពីទាហានចំនួន ៨,៩០០ នាក់មកពីប្រទេសទាំងពីរ ។

ទន្ទឹមនោះ មិនមានការបាញ់សាកល្បងនៃប្រព័ន្ធនេះនោះទេ ក្រោយពេលដែលបានមកដល់មូលដ្ឋានទ័ពអាមេរិកក្នុងខេត្ត Nagasaki ភាគខាងលិចប្រទេសជប៉ុន ។

ចំណែកទីតាំង​ដែល​ប្រតិបត្តិការ​នេះ​កើត​ឡើង​គឺ​ឆ្លង​កាត់​សមុទ្រ​ពី​តៃវ៉ាន់ និង​ចិន ខណៈសមយុទ្ធនេះត្រូវបានគេមើលឃើញថា ជាការប៉ុនប៉ងរបស់យោធាអាមេរិកដើម្បីបង្ហាញពីការត្រៀមខ្លួនរបស់ពួកគេក្នុងការឆ្លើយតបទៅនឹងភាពអាសន្ននៅក្នុងតំបន់ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ប្រទេស ណាតូ មួយនេះត្រៀមពង្រាយអាវុធនុយក្លេអ៊ែររបស់ អាមេរិក ទប់ទល់ការវាយលុយពី រុស្ស៊ី