ប្រធានាធិបតីអ៊ុយក្រែន សួររកសន្តិភាពនៅ ក្រុមប្រឹក្សាសន្តិសុខអង្គការសហប្រជាជាតិ 

ប្រធានាធិបតីអ៊ុយក្រែនលោក Volodymr Zelensky បានរៀបរាប់អំពីអំពើឃោរឃៅដែលលោកចោទប្រកាន់ថា ប្រព្រឹត្តដោយកងកម្លាំងរុស្ស៊ី ក្នុងអំឡុងពេលនៃការលុកលុយ។

ថ្លែងទៅកាន់ក្រុមប្រឹក្សាសន្តិសុខអង្គការសហប្រជាជាតិ លោកនិយាយថា នៅទីក្រុង Bucha មិនមែនតែជាឧក្រិដ្ឋកម្មមួយ ដែលពួកគេប្រព្រឹត្តនោះទេ”។

លោក​អះអាង​ថា មនុស្ស​ត្រូវ​បាន​គេ​បាញ់​នៅ​តាម​ផ្លូវ ក្នុង​ផ្ទះ ​គេ​បោះ​ចូល​ក្នុង​អណ្តូង និង​កិនដោយ​រថក្រោះ​នៅ​កណ្តាល​ផ្លូវ ដើម្បីជាការកម្សាន្ត របស់​ទាហាន​រុស្ស៊ី។

លោកអះអាងម្តងទៀតថា សកម្មភាពរបស់រុស្ស៊ី គឺដូចជាក្រុមភេរវកររដ្ឋឥស្លាម ហើយថា ការឃោសនារបស់លោកប្រធានាធិបតី Putin គឺព្យាយាម ពង្រីកភាពស្អប់ខ្ពើមទៅកាន់ប្រទេសផ្សេងទៀតក្រៅពីអ៊ុយក្រែន។

លោកសួរថា “តើសន្តិសុខដែលក្រុមប្រឹក្សាសន្តិសុខផ្តល់ឲ្យនៅឯណា? តើសន្តិភាពនៅឯណា? តើការធានា ដែលអង្គការសហប្រជាជាតិចាំបាច់ត្រូវធានា នៅឯណា?”។

លោកនិយាយថា ពិភពលោកមិនទាន់ឃើញនូវឧក្រិដ្ឋកម្មសង្គ្រាមបន្ថែមទៀត ដែលយោធារុស្ស៊ីអាចនឹងប្រព្រឹត្តនៅក្នុងផ្នែកដទៃនៃប្រទេសអ៊ុយក្រែន លើសពីលើការសម្លាប់ដែលត្រូវបានចោទប្រកាន់នៅទីក្រុង Bucha នោះទេ។

លោកបញ្ជាក់ថា “ភូមិសាស្ត្រអាចខុសគ្នា ឬប្លែកពីគ្នា ប៉ុន្តែអំពើឃោរឃៅគឺដូចគ្នា ឧក្រិដ្ឋកម្មគឺដូចគ្នា ហើយការទទួលខុសត្រូវ មិនអាចចៀសរួចឡើយ”៕

ប្រែសម្រួល៖ Vann Vann

ប្រភព៖ BBC

ចុចអាន៖ ដឹងគោលដៅពិតរបស់ រុស្ស៊ី ហើយ ពិតជាមានមហិច្ឆតាខ្ពស់ណាស់