រុស្ស៊ី​​​ថា​ ​លោក​​ខាង​​លិច​​កំពុង​​ធ្វើ​​ការ​​​ដើម្បី​បង្អាក់​​ការ​​ចរចា​​សន្តិភាព​នៅ​​អ៊ុយក្រែន

ការបង្កហេតុនៅទីក្រុងតូច Bucha បានកើនមានឡើងនៅពេលដែលរដ្ឋាភិបាលទីក្រុងកៀវកំពុងដាក់លក្ខខណ្ឌសន្តិភាពលើក្រដាសជាលើកដំបូង។ រដ្ឋាភិបាលក្រុងមូស្គូបានលើកឡើង។

រដ្ឋមន្ត្រីក្រសួងការបរទេសរុស្ស៊ី លោក Sergey Lavrov បានអះអាងកាលពីថ្ងៃអង្គារ៍ថា រុស្ស៊ីជឿថា ប្រទេសលោកខាងលិចកំពុងបើកឲ្យមានភាពច្របូកច្របល់ជុំវិញការសម្លាប់មនុស្សយ៉ាងច្រើនដែលត្រូវបានចោទប្រកាន់នៅទីក្រុងតូចរបស់អ៊ុយក្រែន Bucha ដើម្បីបង្អាក់ដំណើរកិច្ច​ពិភាក្សា​សន្តិភាព​រវាងទីក្រុងមូស្គូ និងទីក្រុងកៀវ។

លោកបានបន្តថា ព្រឹត្តិការណ៍នានាក្នុងទីក្រុងតូចនោះដែលលោកហៅថាជាការបង្កហេតុត្រូវបានកើតឡើងនៅពេលវឌ្ឍនភាពនៃកិច្ចចរចាសន្តិភាពកំពុងត្រូវបានធ្វើឡើងនៅទីក្រុងអ៉ិស្តង់ប៊ុល។

«យើងមានទំនោគិតថា ហេតុផលគឺមានបំណងស្វែងរកការរំខានដល់កិច្ចចរចាកំពុងដំណើរការ។ ហើយត្រូវធ្វើឲ្យជាក់ច្បាស់នៅពេល ដូចពួកគេនិយាយ ពន្លឺ ទោះមិនភ្លឺខ្លាំងក៏ដោយ ក៏ចាប់ផ្តើមភ្លឺដែរ»។ លោកមានប្រសាសន៍។

លោករដ្ឋមន្ត្រីការបរទេសបន្តថា ៖«ថ្ងៃទី២៩ ខែមីនា ជាលើកដំបូង ក្នុងរយៈពេលទាំងស្រុងនៃការទំនាក់ទំនងរវាងគណៈប្រតិភូរបស់យើង ភាគីអ៊ុយក្រែនបានស្នើចក្ខុវិស័យជាលាយលក្ខណ៍អក្សរថាតើសន្ធិសញ្ញាមានលក្ខខណ្ឌយ៉ាងណាអំពីស្ថានភាពអ៊ុយក្រែន និងការធានាសន្តិសុខ»។

យោងតាមលោក Lavrov ឲ្យដឹងថា អំឡុងពេលនៃការចរចាជាមួយរុស្ស៊ី «ទីក្រុងកៀវបានដាក់ចេញជាលើកដំបូងនៅលើក្រដាសអំពីការត្រៀមខ្លួនរួចរាល់ដើម្បីប្រកាសពីអព្យាក្រឹត​របស់ខ្លួន មិនស្របតាមប្លុកណាមួយ និងមិនមែនជាប្រទេសអាវុធនុយក្លេអ៊ែរ»។

លោកទទួចថា លើសពីនេះទៀត អ៊ុយក្រែន បានបដិសេធជាផ្លូវការក្នុងការដាក់ពង្រាយអាវុធរបស់រដ្ឋបរទេសនៅលើទឹកដីរបស់ខ្លួន ឬធ្វើសមយុទ្ធយោធាដែលមានការចូលរួមពីកម្លាំងយោធាបរទេស ប្រសិនបើមិនមានការយល់ព្រមពីរដ្ឋធានានៃអនាគតសន្ធិសញ្ញា រួមទាំងរុស្ស៊ីផង៕

ប្រែសម្រួល៖ វីរបុត្រ
ប្រភព៖ RT