អាមេរិក ថា រុស្ស៊ី មិនហ៊ានធ្វើសង្គ្រាមឡើយ បើមានវត្តមានកងកម្លាំងខ្លួននៅ អ៊ុយក្រែន

ឧត្តមសេនីយ៍កំពូលអាមេរិកម្នាក់បាននិយាយកាលពីថ្ងៃអង្គារថា ប្រទេសរុស្ស៊ីអាចត្រូវបានរារាំងពីការធ្វើសង្រ្គាមលើអ៊ុយក្រែនជាមួយនឹងវត្តមានរបស់កងកម្លាំងយោធាសហរដ្ឋអាមេរិកនៅក្នុងប្រទេស ។

លោកឧត្តមសេនីយ៍ Mark Milley ប្រធានអគ្គសេនាធិការចម្រុះបាននិយាយថា ប្រធានាធិបតីរុស្ស៊ីលោក វ្ល៉ាឌីមៀ ពូទីន បានគ្រោងទុកជាយូរមកហើយសម្រាប់ប្រតិបត្តិការយោធា ។

លោកបញ្ជាក់ថា “ខ្ញុំគិតថា ទាក់ទងនឹងការលុកលុយរបស់រុស្ស៊ីលើអ៊ុយក្រែន វាគឺជាគោលបំណងដ៏យូរអង្វែងរបស់លោក ពូទីន ។ ការប្តេជ្ញាចិត្តរបស់កងកម្លាំងយោធាអាមេរិកចូលទៅក្នុងអ៊ុយក្រែនគឺត្រឹមត្រូវ ហើយវាមិនប្រាកដថា ការដាក់ពង្រាយកងទ័ពគួរឲ្យភ័យខ្លាចនោះទេ” ។

ឧត្តមសេនីយកំពូលរូបនេះក៏បានអំពាវនាវឲ្យមានការបង្កើតមូលដ្ឋានយោធាបន្ថែមទៀតនៅភាគខាងកើតអ៊ុយក្រែនផងដែរដើម្បីទប់ស្កាត់ការលុកលុយណាមួយរបស់រុស្ស៊ីនាពេលអនាគត ហើយបាននិយាយថា កងកម្លាំងដែលត្រូវពង្រាយគួរតែដាក់ជាអចិន្ត្រៃយ៍ ។

លោក Milley បាននិយាយថា “ដំបូន្មានរបស់ខ្ញុំគឺបង្កើតមូលដ្ឋានអចិន្ត្រៃយ៍ ប៉ុន្តែកុំឈរជើងជាអចិន្ត្រៃយ៍ ហើយសម្ព័ន្ធមិត្តរបស់អាមេរិក ដូចជាប៉ូឡូញ រូម៉ានី ឬអ្នកដែលស្ថិតនៅក្នុងតំបន់បាល់ទិក នឹងមានឆន្ទៈក្នុងការបង្កើត និងសាងសង់មូលដ្ឋានជាអចិន្ត្រៃយ៍នៅទីនោះ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ អាមេរិក ដាក់ប្រព័ន្ធការពារមីស៊ីល Patriot ទៅកាន់ប្រទេសអាស៊ានមួយនេះ ជាលើកដំបូង