វ៉ាក់សាំងកូវីដក្រុមហ៊ុនកូរ៉េខាងត្បូងមួយទទួលបានការអនុម័តឲ្យប្រើប្រាស់ក្នុងករណីពិសេស

អាជ្ញាធរសុខាភិបាលកូរ៉េខាងត្បូងបាននិយាយកាលពីថ្ងៃអង្គារ ទី ១៥ ខែធ្នូ ថា គ្រូពេទ្យអាចគ្រប់គ្រងការព្យាបាលដោយប្រើវ៉ាក់សាំងកូវីដ ១៩ របស់ក្រុមហ៊ុនផលិតឱសថ Celltrion ដល់អ្នកជំងឺដែលមានស្ថានភាពគ្រោះថ្នាក់ដល់អាយុជីវិត ។

គេហទំព័ររបស់អាជ្ញាធរសុខាភិបាលបានបង្ហាញថា ក្រសួងស្បៀងអាហារ និងសុវត្ថិភាពឱសថបានអនុម័តវ៉ាក់សាំង CT-P59 ក្រោមគម្រោងព្យាបាលអ្នកជំងឺកាលពីថ្ងៃសុក្រ ។

ក្រសួងបាននិយាយថា ស្ថិតក្រោមគម្រោងនេះអ្នកជំងឺដែលមានស្ថានភាពគ្រោះថ្នាក់ដល់ជីវិត និងដោយគ្មានមធ្យោបាយព្យាបាលណាមួយ អាចទទួលបានថ្នាំដែលកំពុងស្ថិតក្នុងការសាកល្បងព្យាបាលនៅឡើយនេះ ។

ចំណែកអ្នកនាំពាក្យក្រុមហ៊ុនបាននិយាយថា ក្រុមហ៊ុន Celltrion កំពុងធ្វើការសាកល្បងព្យាបាលដំណាក់កាលទី ២ និងទី ៣ សម្រាប់វ៉ាក់សាំង CT-P59 ហើយគ្រោងនឹងស្វែងរកការយល់ព្រមប្រើប្រាស់បន្ទាន់សម្រាប់ការព្យាបាលមុនដំណាច់ឆ្នាំនេះ ។

មន្ត្រីទីភ្នាក់ងារទប់ស្កាត់ និងការពារជំងឺកូរ៉េលោក Kwon Jun-wook បាននិយាយនៅក្នុងសន្និសីទកាសែតមួយកាលពីថ្ងៃអង្គារថា ការព្យាបាលត្រូវបានគេរំពឹងថានឹងត្រូវផ្តល់ជូនអ្នកជំងឺដំបូងក្នុងពេលឆាប់ៗនេះ ។

គួរបញ្ជាក់ថា គិតត្រឹមពេលនេះប្រទេសកូរ៉េខាងត្បូងមានករណីឆ្លងជំងឺកូវីដ ១៩ ចំនួន ៤៥,៤៤២ ករណី និងមានអ្នកស្លាប់ចំនួន ៦១២ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ សហរដ្ឋអាមេរិកត្រៀមអនុម័តឲ្យប្រើប្រាស់វ៉ាក់សាំងកូវីដមួយទៀត

ចុចអាន ៖ Pornhub លុបវីដេអូជាង១០លានដោយសារហេតុផលមួយនេះ