អ៊ុយក្រែន ព្រមានឲ្យជនស៊ីវិល ភៀសខ្លួនចេញពីតំបន់ភាគខាងជើង ជាបន្ទាន់

ប្រទេសអ៊ុយក្រែន កំពុងត្រៀមខ្លួនសម្រាប់សមរភូមិដ៏លំបាក ដែលនឹងកើតមានឡើង ស្របពេលកងកម្លាំងរុស្ស៊ី បន្តប្រមូលផ្តុំនៅភាគខាងកើតប្រទេស ដោយក្រុមមន្ត្រី បានជំរុញឲ្យជនស៊ីវិលភៀសខ្លួន។

លោកប្រធានាធិបតី Volodymyr Zelenskyy បានព្រមានថា ថ្វីបើការគំរាមកំហែងនៅរដ្ឋធានី កៀវ បានថយចុះក៏ដោយ ប៉ុន្តែវាកំពុងកើនឡើងនៅភាគខាងកើត។

លោកនិយាយថា “នេះនឹងក្លាយជាសមរភូមិដ៏លំបាកមួយ យើងជឿជាក់លើការប្រយុទ្ធនេះ និងជ័យជម្នះរបស់យើង។ យើងត្រៀមខ្លួនរួចជាស្រេចដើម្បីប្រយុទ្ធក្នុងពេលដំណាលគ្នា និងស្វែងរកមធ្យោបាយការទូតដើម្បីបញ្ចប់សង្រ្គាមនេះ”។

ស្របពេលជាមួយគ្នានោះដែរ ក្រុមមន្ត្រី​បាន​ជំរុញ​ឲ្យ​ជន​ស៊ីវិល​ភៀស​ខ្លួន​ពី​តំបន់​នេះ​ជា​បន្ទាន់៕

ប្រែសម្រួល៖ Vann Vann

ប្រភព៖ SKY

ចុចអាន៖ លោក Zelensky ថា គោលដៅរបស់រុស្ស៊ី គឺអឺរ៉ុបទាំងមូល មិនមែនត្រឹមតែ អ៊ុយក្រែន ទេ