អ្នកបុរាណវិទ្យា ប៉េរូ រកឃើញសាកសពខ្មោចម៉ាំមីអាយុកាល ៨០០ ឆ្នាំ

សាកសពខ្មោចម៉ាំមីដែលប៉ាន់ស្មានថាមានអាយុកាលចន្លោះពី ៨០០ ទៅ ១០០០ ឆ្នាំត្រូវបានអ្នកបុរាណវិទូនៅប្រទេសប៉េរូរកឃើញនៅទីតាំងមួយកន្លែងក្បែររដ្ឋធានីលីម៉ារបស់ប្រទេស ។

ក្រុមអ្នកស្រាវជ្រាវមកពីសកលវិទ្យាល័យជាតិ SanMarcos បានរកឃើញសាកសពដែលត្រូវបានរក្សាទុកនៅក្រោមដីចំកណ្តាលនៃទីប្រជុំជនមួយនៅទីតាំងបុរាណវិទ្យានៃទីក្រុង Cajamarquilla ចម្ងាយប្រហែល ២៥ គីឡូម៉ែត្រពីទីក្រុងលីម៉ា។

សាកសពខ្មោចម៉ាំមីត្រូវបានចងដោយខ្សែពួរ ហើយយកដៃគ្របមុខ នៅក្នុងអ្វីដែលអ្នកស្រាវជ្រាវនិយាយថា គឺជាទំនៀមទម្លាប់ពិធីបុណ្យសពរបស់ប្រទេសប៉េរូភាគខាងត្បូង ។

បុរាណវិទូលោក Pieter Van Dalen ដែលទទួលបន្ទុកគម្រោង Cajamarquilla បាននិយាយថា សាកសពម៉ាំមីនឹងត្រូវកប់នៅចន្លោះឆ្នាំ ៨០០ និង ១០០០ នៃគ.ស ហើយអាយុកាលនៃសាកសពម៉ាំមីនេះមានន័យថា ពួកគេមានអាយុកាលតាំងពីអរិយធម៌ Inca មកម្ល៉េះ ។​

លោក Van Dalen បាន​និយាយ​ថា អដ្ឋិធាតុ​ជា​របស់​មនុស្ស​ម្នាក់​ដែល​រស់​នៅ​ក្នុង​តំបន់ Andean ​ប្រទេស ។ ក្នុង​ផ្នូរ​ក៏​មាន​គ្រឿង​បូជា​ដែល​រួម​មាន សេរ៉ាមិច សំណល់​បន្លែ និង​ឧបករណ៍​ធ្វើ​ពី​ថ្ម​ផង​ដែរ ។

ចំណែកបុរាណវិទូ Yomira Huamán ទទួលបន្ទុកគម្រោងស្រាវជ្រាវបុរាណវត្ថុ “Cajamarquilla” បាននិយាយថា “វាគឺជាការរកឃើញដ៏សំខាន់បំផុតមួយក្នុងកម្រិតជាតិ និងអន្តរជាតិផងដែរ ។ ដំបូងឡើយយើងមិនគិតថាវាជាផ្នូរទេ ពួកយើងគិតថាវាគ្រាន់តែជាប្រអប់ប្រាក់បញ្ញើសាមញ្ញមួយទៀតប៉ុណ្ណោះ ។ ប៉ុន្តែនៅពេលដែលយើងរកឃើញត្រាភក់គឺយើងបានរកឃើញម៉ាំមីដ៏ល្បីល្បាញរបស់ Cajamarquilla ឬព្រះអម្ចាស់នៃ Cajamarquilla ដូចដែលពួកគេស្គាល់គាត់ ។

លោកបានបន្ថែមថា “ឥឡូវនេះ បន្ទាប់ពីបានរកឃើញសាកសពម៉ាំមី អ្នកបុរាណវត្ថុវិទូ Wilton Sedano បានសម្រេចចិត្តចុះទៅក្រោមបន្ថែមទៀត ហើយនោះជាកន្លែងដែលផ្នូររបស់ស្ត្រី ក៏ដូចជាសាកសពក្មេងៗត្រូវបានគេរកឃើញផងដែរ” ៕

ប្រភព ៖ A24 News Agency