វីដេអូ ជនជាតិរុស្ស៊ី អបអរកងទ័ពលោក ពូទីន ចេញទៅប្រយុទ្ធ ធ្វើឲ្យអ៊ុយក្រែន ខឹងដាច់ក្បាលដាច់កន្ទុយ

ប្រជាជនរុស្ស៊ី បានតម្រង់ជួរតាមដងផ្លូវនៅភាគខាងលិចប្រទេស ដើម្បីលើកទឹកចិត្តទាហានរបស់លោក ពូទីន នៅពេលពួកគេចេញទៅប្រយុទ្ធនៅ អ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាជនក្នុងតំបន់ Kursk បានអបអរសាទរ និងគ្រវីដៃ ខណៈទាហានរបស់លោក វ្លាឌីមៀរ ពូទីន ធ្វើដំណើរឆ្លងកាត់ក្នុងក្បួនរថក្រោះ និងរថយន្តធុនធំ។

ក្រសួងការពារជាតិអ៊ុយក្រែនបាននិយាយថា “វីដេអូនេះបង្ហាញថា ការលុកលុយមិនត្រឹមតែជាសង្គ្រាមរបស់លោក ពូទីន ប៉ុណ្ណោះទេ។ នេះក៏ជាសង្រ្គាមរបស់ប្រជាជនរុស្ស៊ីផងដែរ។ ជារឿយៗ គេនិយាយថា ជនជាតិរុស្សីធម្មតាមិនគួររងទណ្ឌកម្មទេ។ យ៉ាងណាមិញ វាគឺជា ពូទីន មិនមែនពួកគេទេ ដែលបានចាប់ផ្តើមសង្រ្គាម”។

ក្រសួងបន្តថា “នៅក្នុងវីដេអូនេះ អ្នកស្រុក Kursk របស់រុស្ស៊ី បានបង្ហាញក្តីរីករាយ ដែលឃើញទាហានរុស្ស៊ីទៅប្លន់ រំលោភ និងសម្លាប់ជនជាតិអ៊ុយក្រែន”។

គួរបញ្ជាក់ថា លោក ពូទីន កំពុងផ្តោតការយកចិត្តទុកដាក់លើកម្លាំងរបស់លោក នៅភាគខាងកើតប្រទេសអ៊ុយក្រែនវិញ។ វាអាចជាការប៉ុនប៉ងដើម្បីដណ្តើមជ័យជម្នះនៅសមរភូមិ ឲ្យបានមុនថ្ងៃទី៩ខែឧសភា ដូច្នេះគាត់អាចអបអរជ័យជម្នះ ជាមួយក្បួនដង្ហែទិវាជ័យជម្នះប្រចាំឆ្នាំរបស់រុស្ស៊ី នៅទីក្រុងមូស្គូបាន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ៊ុយក្រែន រកឃើញសាកសពមនុស្សជាង ១២០០ នាក់នៅក្នុងតំបន់ កៀវ ក្រោយរុស្ស៊ី ដកទ័ព