លោក Zelensky អះអាងថា​ រុស្ស៊ីកំពុងកែនទាហានរាប់ម៉ឺននាក់ សម្រាប់ការវាយលុកបន្ទាប់

ប្រធានាធិបតីអ៊ុយក្រែនលោក Volodymyr Zelensky បាននិយាយថា រុស្ស៊ីកំពុងកែនទាហានរាប់ម៉ឺននាក់ សម្រាប់ការវាយលុកបន្ទាប់។ នេះបើយោងតាមការផ្សាយរបស់ Reuters។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងទៅកាន់សមាជិកសភាកូរ៉េខាងត្បូង លោកនិយាយថា រុស្ស៊ីនឹងមិនឈប់ទេ រហូតដល់ពួកគេត្រូវបានបង្ខំឲ្យបញ្ឈប់។

ស្របពេលជាមួយគ្នានោះដែរ អ្នកវិភាគយោធាជឿថា រុស្ស៊ីពេលនេះកំពុងផ្តោតការវាយលុករបស់ខ្លួន លើតំបន់ភាគខាងកើតប្រទេសអ៊ុយក្រែនវិញ។

ការអះអាងរបស់លោក Zelensky​ បានកើតឡើង បន្ទាប់ពីអគ្គរដ្ឋអាជ្ញាអ៊ុយក្រែននិយាយថា សាកសពមនុស្សចំនួន ១២២២ នាក់ ត្រូវបានរកឃើញនៅក្នុងតំបន់ កៀវ ចាប់តាំងពីកងកម្លាំងរុស្ស៊ី ដកចេញពីទីនោះ។

លោកស្រី Iryna Veneditktova បានប្រាប់ Sky News ថា អាជ្ញាធរអ៊ុយក្រែនកំពុងស៊ើបអង្កេតឧក្រិដ្ឋកម្មសង្រ្គាមចំនួន ៥៦០០ករណី ដែលត្រូវបានប្រព្រឹត្តដោយទាហានរុស្ស៊ី ចាប់តាំងពីសង្គ្រាមផ្ទុះឡើង ហើយខ្លួនបានកំណត់អត្តសញ្ញាណឧក្រិដ្ឋជនសង្រ្គាមជាង ៥០០នាក់ រួមទាំងមន្ត្រីយោធាកំពូល និងរដ្ឋាភិបាលនៅក្នុងប្រទេសរុស្ស៊ីផងដែរ។

យោងតាមលោកស្រី, “អ្វីដែលយើងឃើញនៅក្នុងតំបន់ទាំងអស់នៃប្រទេសអ៊ុយក្រែន គឺជាឧក្រិដ្ឋកម្មសង្រ្គាម ឧក្រិដ្ឋកម្មប្រឆាំងមនុស្សជាតិ ហើយយើងធ្វើអ្វីគ្រប់យ៉ាងដើម្បីជួសជុលវា”៕

ប្រែសម្រួល៖ Vann Vann

ប្រភព៖ BBC

ចុចអាន៖ វីដេអូ ជនជាតិរុស្ស៊ី អបអរកងទ័ពលោក ពូទីន ចេញទៅប្រយុទ្ធ ធ្វើឲ្យអ៊ុយក្រែន ខឹងដាច់ក្បាលដាច់កន្ទុយ