ប្រធានាធិបតីអ៊ុយក្រែន ចោទថា កងកម្លាំងរុស្ស៊ីអាចប្រើ អាវុធគីមី (មានវីដេអូ)

លោកប្រធានាធិបតី Volodymyr Zelensky បាននិយាយនៅក្នុងសុន្ទរកថាជាវីដេអូប្រចាំថ្ងៃរបស់លោកថា កងកម្លាំងរុស្ស៊ីអាចប្រើប្រាស់អាវុធគីមីនៅក្នុងប្រទេស អ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះជា​យ៉ាង​ណាក៏ដោយ មេដឹកនាំ​អ៊ុយក្រែនរូបនេះ ​មិន​បាន​និយាយទេ​ថា តើអាវុធ​គីមី​ត្រូវ​បាន​​ប្រើ​រួច​ហើយ ឬក៏អត់។

នៅព្រឹកថ្ងៃអង្គារទី១២ខែមេសានេះ មានរបាយការណ៍ដែលមិនបញ្ជាក់ថា អាវុធគីមីត្រូវបានប្រើប្រាស់ក្នុងការវាយប្រហារលើទីក្រុងកំពង់ផែ Mariupol ភាគខាងត្បូង។

ប្រធានគណៈកម្មាធិការសភាស្តីពីសមាហរណកម្មអ៊ុយក្រែនទៅកាន់សហភាពអឺរ៉ុប លោកស្រី Ivanna Klympush បាននិយាយថា ប្រទេសរុស្ស៊ីបានប្រើប្រាស់សារធាតុដែលគេមិនស្គាល់ឈ្មោះ លើទីក្រុងមួយនេះ ដែលស្ថិតក្រោមការវាយប្រហារយ៉ាងសន្ធាប់ ចាប់តាំងពីសង្រ្គាមផ្ទុះឡើង។

យ៉ាងណាក្តី សារព័ត៌មាន Sky News មិន​អាច​ផ្ទៀងផ្ទាត់​ដោយ​ឯករាជ្យ​ ពី​ការ​អះអាង​ទាំង​នេះ​បានទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ SKY

ចុចអាន៖ រុស្ស៊ី មិនឈប់បាញ់ទេ មុនកិច្ចចរចាសន្តិភាពលើកក្រោយជាមួយ អ៊ុយក្រែន