ព័ត៌មានអន្ដរជាតិ
អតីតទីប្រឹក្សាលោក ពូទីន ប្រាប់មធ្យោបាយតែមួយគត់ ធ្វើឲ្យសង្គ្រាមនៅ អ៊ុយក្រែន ចប់ត្រឹមមួយខែទៀត
អតីតទីប្រឹក្សាសេដ្ឋកិច្ចរបស់លោក វ្ល៉ាឌីមៀរ ពូទីន បាននិយាយថា ការលុកលុយនៅអ៊ុយក្រែន អាចចប់ក្នុងរយៈពេលមួយខែ ប្រសិនបើប្រទេសលោកខាងលិច ដាក់ការហ៊ុមព័ទ្ធពិតប្រាកដលើថាមពលរុស្ស៊ី។

លោកបណ្ឌិត Andrei Illarionov និយាយថា វិមានក្រឹមឡាំងមិនយកចិត្តទុកដាក់ខ្លាំងទេលើការគំរាមកំហែងរបស់អឺរ៉ុប ក្នុងការកាត់បន្ថយការប្រើប្រាស់ថាមពល ព្រោះពួកគេនៅតែបន្តទិញប្រេង និងឧស្ម័នរបស់រុស្ស៊ី។
ប្រាក់ចំណូលពីប្រេង និងឧស្ម័នកាលពីឆ្នាំមុន រួមចំណែក ៣៦% នៃការចំណាយរបស់រដ្ឋាភិបាលរុស្ស៊ី ដែលនេះមានន័យថា ការហ៊ុមព័ទ្ធនឹងរារាំងយ៉ាងធ្ងន់ធ្ងរដល់ហិរញ្ញវត្ថុរបស់វិមានក្រឹមឡាំង។

បច្ចុប្បន្ន សហភាពអឺរ៉ុបបាននាំចូលឧស្ម័នចំនួន ៤០%និងប្រេង ២៧%ពីប្រទេស រុស្ស៊ី។
លោក Illarionov បានប្រាប់ BBC ថា ប្រសិនបើលោកខាងលិចព្យាយាមអនុវត្តការហ៊ុមព័ទ្ធជាក់ស្តែងលើការនាំចេញប្រេង និងឧស្ម័នពីរុស្ស៊ីនោះ ខ្ញុំហ៊ានភ្នាល់ថា ប្រហែលជាក្នុងរយៈពេលមួយខែ ឬពីរខែទៀតប៉ុណ្ណោះ ប្រតិបត្តិការយោធារុស្ស៊ីនៅអ៊ុយក្រែន ប្រហែលជានឹងចប់។
លោកបន្ថែមថា “វាជាឧបករណ៍ដ៏មានប្រសិទ្ធភាពមួយ ដែលមានក្នុងដៃរបស់ប្រទេសលោកខាងលិច”។

សហភាពអឺរ៉ុបកាលពីថ្ងៃសុក្រសប្តាហ៍មុន បានហាមឃាត់ការនាំចូលធ្យូងថ្មរបស់រុស្ស៊ីក្នុងចំណោមផលិតផលផ្សេងទៀត ប៉ុន្តែមិនទាន់ហាមឃាត់ការនាំចូលប្រេង និងឧស្ម័នពីរុស្ស៊ីនៅឡើយ។
អ្នកជំនាញនិយាយថា សេដ្ឋកិច្ចរុស្ស៊ីអាចធ្លាក់ចុះដល់ទៅ ១៥% ដោយសារការដាក់ទណ្ឌកម្មនាពេលបច្ចុប្បន្ន ខណៈប្រជាជនប្រមាណ ២០ លាននាក់រស់នៅក្នុងភាពក្រីក្រ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ អភិបាលក្រុង៖ ជនស៊ីវិលជាង ១ម៉ឺនទៅ ២ម៉ឺននាក់ ត្រូវសម្លាប់ក្នុងទីក្រុង Mariupol

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ