ពូទីន អះអាងថា កិច្ចពិភាក្សាជាមួយ អ៊ុយក្រែន ដើរដល់ផ្លូវទ័លហើយ

ប្រធានាធិបតីរុស្ស៊ីបាននិយាយថា កិច្ចពិភាក្សាជាមួយអ៊ុយក្រែន ត្រូវបរាជ័យដោយសារតែភាគីអ៊ុយក្រែន ធ្វើការអះអាងក្លែងក្លាយអំពីឧក្រិដ្ឋកម្មសង្គ្រាម និងការទាមទារបន្ថែមសម្រាប់ការធានាសន្តិសុខ។

លោក​​ថ្លែង​ថា “​យើង​បាន​ត្រឡប់​ទៅ​ស្ថានការណ៍ ដើរដល់ផ្លូវទ័ល​សម្រាប់​យើង​”។

លោក​បាន​បន្ថែម​ថា រុស្ស៊ី​នឹង​បន្ត​ប្រតិបត្តិការ​របស់​ខ្លួន​ ដើម្បី​ការពារអ្នកនិយាយភាសា​រុស្ស៊ី​នៅ​ភាគ​ខាង​កើត ប្រទេស​អ៊ុយក្រែន។

យ៉ាងណាក្តី ទីប្រឹក្សាប្រធានាធិបតីអ៊ុយក្រែន លោក Mykhailo Podolyak បានប្រាប់រ៉យទ័រថា ទោះបីជាការចរចាមានភាពលំបាកក៏ដោយ ក៏ពួកគេនៅតែព្យាយាមបន្តដែរ។

គួរបញ្ជាក់ថា ការលើកឡើងរបស់លោក ពូទីន គឺជាលើកទីមួយ ដែលលោកនិយាយជាសាធារណៈ ចាប់តាំងពីទាហានរុស្ស៊ី ដកខ្លួនចេញពីតំបន់ភាគខាងជើងប្រទេសអ៊ុយក្រែន ជុំវិញរដ្ឋធានី កៀវ៕

ប្រែសម្រួល៖ Vann Vann

ប្រភព៖ BBC

ចុចអាន៖ ដឹងការពិត មូលហេតុដែលភរិយាលោក Zelensky បាត់មុខមិនឃើញនៅជាមួយស្វាមី