ព័ត៌មានអន្ដរជាតិ

នាយករដ្ឋមន្ត្រីអង់គ្លេស Johnson នឹងត្រូវពិន័យពីបទបំពានច្បាប់កូវីដ

បានផុស

៣ years មុន

នៅ

ថ្ងៃពុធ ១៣ មេសា ២០២២

ដោយ

លោកនាយករដ្ឋមន្ត្រីអង់គ្លេស Boris Johnson និងភរិយាយ ព្រមទាំងប្រធាន Exchequer Rishi Sunak នឹងត្រូវពិន័យពីបទបំពានច្បាប់កូវីដ-១៩ដែលពួកគាត់បានដាក់ចេញជាសាធារណៈនៅអង់គ្លេសអំឡុងពេលជំងឺកូវីដរាតត្បាតខ្លាំង។ មន្ត្រីបានបញ្ជាក់នៅព្រឹកថ្ងៃអង្គារ៍។

ដូច្នេះ Johnson បានក្លាយជានាយករដ្ឋមន្ត្រីទី១នៅក្នុងប្រវត្តិសាស្ត្រអង់គ្លេសដែលត្រូវបានពិន័យពីការបំពានច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យរបស់ពួកគាត់ទាំង៣នាក់បាននិយាយថា ពួកគាត់មិនទាត់ត្រូវបានជូនដំណឹងពីព្រឹត្តិការណ៍ជាក់លាក់ណាមួយដែលការពិន័យនេះត្រូវបានធ្វើឡើង ប៉ុន្តែពួកគេទាំងអស់ត្រូវបានរាយការណ៍ពីការចូលរួមខួបកំណើតរបស់លោកនាយករដ្ឋមន្ត្រីកាលពីខែមិថុនា ឆ្នាំ២០២០។

ដំណឹងនេះបានជំរុញឲ្យមានការអំពាវនាវជាថ្មីឲ្យលោក Johnson លាលែងពីតំណែងដែលធ្លាប់ត្រូវបានជំរុញយ៉ាងខ្លាំងឲ្យលាលែងម្តងហើយកាលពីខែមករាចំពេលរឿងអាស្រូវត្រូវបានអ្នកកាសែតហៅថា ទ្វារជប់លៀង។ ចំណែកមេដឹកនាំគណបក្សការងារ លោក Keir Starmer, រដ្ឋមន្ត្រីទី១របស់ស្កុតឡេន លោក Nicola Sturgeon, មេដឹកនាំគណបក្សប្រជាធិបតេយ្យសេរី លោក Ed Davey និងក្រុមអ្នកតស៊ូមតិជាដើមបានធ្វើការវាយប្រហារយ៉ាងខ្លាំង។

ការពិន័យចំនួន២០ត្រូវបានចេញនៅក្នុងខែមីនា ហើយប៉ូលិស Metropolitan នឹងចេញពីការពិន័យចំនួន៣០ទៀត។ នេះបើយោងតាមសេចក្តីប្រកាសរបស់ប៉ូលិសកាលពីថ្ងៃអង្គារ៍។ វិធានការពិន័យបន្ថែមទៀតអាចនឹងធ្វើ ប្រសិនបើការស៊ើបអង្កេតបន្តពាក់ព័ន្ធនឹងការជួបជុំសង្គមដែលមានគ្រឿងស្រវឹងបំពានវិធានការទប់ស្កាត់កូវីដ-១៩។

ប៉ូលិស Metropolitan បានបដិសេធបញ្ចេញអត្តសញ្ញាណបុគ្គលដែលត្រូវបានពិន័យ ប៉ុន្តែក្នុងនោះមានទាំងអតីតប្រធានផ្នែកសុជីវធម៌ និងសីលធម៌ លោកស្រី Helen MacNamara ដែលទទួលស្គាល់ខ្លួនឯង។

កាលពីខែមករា លោក Johnson បានសារភាពថា លោកបានចូលរួមពីធិជប់លៀងនៅសួនច្បារកាលពីខែឧសភា ឆ្នាំ២០២០។ នៅពេលនោះច្បាប់បិទខ្ទប់កូវីដ-១៩ត្រូវបានដាក់ចេញថា មនុស្សជួបជុំគ្នាចាប់ពីពីរនាក់ឡើងនៅខាងក្រៅផ្ទះគឺខុសច្បាប់៕

ប្រែសម្រួល៖ វីរបុត្រ
ប្រភព៖ RT

Related Topics:ចក្រភពអង់គ្លេស