ព័ត៌មានអន្ដរជាតិ
រុស្ស៊ី បញ្ជូនអាវុធធុនធ្ងន់ទៅព្រំដែនប្រទេសមួយ បន្ទាប់ពីព្រមានកុំឲ្យចូល ណាតូ (មានវីដេអូ)
វីដេអូមួយ បានបង្ហាញពីអាវុធធុនធ្ងន់របស់រុស្ស៊ី រួមទាំងប្រព័ន្ធមីស៊ីលផងដែរ កំពុងដឹកឆ្ពោះទៅកាន់ព្រំដែនជាមួយប្រទេសហ្វាំងឡង់ ប៉ុន្មានម៉ោងបន្ទាប់ពីវិមានក្រឹមឡាំងបានព្រមានប្រទេសជិតខាងភាគខាងជើងរបស់ខ្លួនមួយនេះ ប្រឆាំងនឹងការចូលរួមក្នុងអង្គការ ណាតូ។

វីដេអូដែលបង្ហោះកាលពីយប់ថ្ងៃអង្គារទី១២ខែមេសា បានបង្ហាញពីប្រព័ន្ធមីស៊ីលការពារឆ្នេរសមុទ្ររបស់រុស្សីចំនួនពីរ កំពុងធ្វើដំណើរតាមដងផ្លូវមួយនៅជាប់ព្រំដែនរុស្ស៊ី ដែលតភ្ជាប់ទៅកាន់ទីក្រុង Helsinki។
ប្រព័ន្ធមីស៊ីលទាំងនោះ ត្រូវបានគេគិតថាជាប្រព័ន្ធការពារឆ្នេរសមុទ្រចល័ត K-300P Bastion-P ដែលត្រូវបានរចនាឡើងដើម្បីការពារកប៉ាល់លើផ្ទៃទឹក និងរួមទាំងក្រុមប្រយុទ្ធនាវាផ្ទុកយន្តហោះផងដែរ។

ការដាក់ពង្រាយរបស់រុស្ស៊ីកើតឡើង ចំពេលដែលនាយករដ្ឋមន្ត្រីហ្វាំងឡង់លោកស្រី Sanna Marin និយាយថា លោកស្រីរំពឹងថា រដ្ឋាភិបាលរបស់ខ្លួននឹង បញ្ចប់កិច្ចពិភាក្សាមុនពាក់កណ្តាលរដូវក្តៅនេះ ថាតើត្រូវដាក់ពាក្យសុំចូលជាសមាជិកណាតូឬអត់។
ការស្ទង់មតិថ្មីៗនេះ ដោយក្រុមហ៊ុនស្រាវជ្រាវទីផ្សារហ្វាំងឡង់ បានបង្ហាញថា ៨៤%នៃជនជាតិហ្វាំងឡង់ ចាត់ទុកប្រទេសរុស្ស៊ីថាជាការគំរាមកំហែងខាងយោធាដ៏សំខាន់ ពោលគឺកើនឡើង ២៥% បើធៀបហ្នឹងឆ្នាំមុន។

ជាការឆ្លើយតប អ្នកនាំពាក្យវិមានក្រឹមឡាំង លោក Dmitry Peskov បានព្រមានថា ការចូលណាតូ នឹងមិនធ្វើឲ្យស្ថានភាពសន្តិសុខនៅអឺរ៉ុបប្រសើរឡើងឡើយ ហើយសមាជិកសភាទីក្រុងមូស្គូ លោក Vladimir Dzhabarov បានបន្ថែមថា នេះនឹងមានន័យថា ជាការបំផ្លិចបំផ្លាញប្រទេស។
លោក Peskov លើកឡើងថា “យើងបាននិយាយម្តងហើយម្តងទៀតថា សម្ព័ន្ធភាពនេះនៅតែជាឧបករណ៍ សម្រាប់ឆ្ពោះទៅរកការប្រឈមមុខដាក់គ្នា ហើយការពង្រីកបន្ថែមទៀតរបស់ខ្លួន នឹងមិននាំមកនូវស្ថេរភាពដល់ទ្វីបអឺរ៉ុបឡើយ”៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ ពូទីន៖ រុស្ស៊ីនឹងបន្តសកម្មភាពយោធានៅ អ៊ុយក្រែន រហូតដល់គោលដៅបានសម្រេច ពេញលេញ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ