ទាហានម៉ារីនអ៊ុយក្រែនជាង ១ពាន់នាក់ រួមទាំងមន្ត្រី ១៦២នាក់ចុះចាញ់រុស្ស៊ី នៅ Mariupol

យោងតាមក្រសួងការពារជាតិរុស្ស៊ីបានឲ្យដឹងថា ក្នុងចំណោមអ្នកដែលចុះចាញ់ មានទាហានអ៊ុយក្រែនរងរបួសចំនួន ១៥១នាក់ បានទទួលការថែទាំសុខភាពបឋមនៅនឹងកន្លែង បន្ទាប់មក ពួកគេទាំងអស់ត្រូវបានបញ្ជូនទៅមន្ទីរពេទ្យទីក្រុង Mariupol ដើម្បីព្យាបាលបន្ត។ នេះបើតាមការចុះផ្សាយរបស់គេហទំព័រ Sputnik។

អ្នកនាំពាក្យក្រសួងការពារជាតិរុស្ស៊ី លោក Igor Konashenkov បានប្រាប់អ្នកសារព័ត៌មានថា “នៅក្នុងទីក្រុង Mariupol ជាលទ្ធផលនៃប្រតិបត្តិការវាយលុកដោយជោគជ័យរបស់កងកម្លាំងប្រដាប់អាវុធរុស្ស៊ី និងអង្គភាពប៉ូលិសនៃសាធារណរដ្ឋប្រជាមានិត Donetsk, ទាហានអ៊ុយក្រែនចំនួន ១០២៦នាក់នៃកងពលតូចម៉ារីនទី៣៦ បានស្ម័គ្រចិត្តដាក់អាវុធចុះចាញ់”។

មន្ត្រី​ដដែល​បាន​កត់​សម្គាល់​ថា ក្នុង​ចំណោម​អ្នក​ចុះ​ចាញ់​ មាន​មន្ត្រីចំនួន១៦២នាក់ និង​ទាហាន​ស្រី ៤៧ នាក់៕

ប្រែសម្រួល៖ Vann Vann

ប្រភព៖ Sputnik

ចុចអាន៖ រុស្ស៊ី បញ្ជូនអាវុធធុនធ្ងន់ទៅព្រំដែនប្រទេសមួយ បន្ទាប់ពីព្រមានកុំឲ្យចូល ណាតូ (មានវីដេអូ)