ព័ត៌មានអន្ដរជាតិ

ប្រទេស អឺរ៉ុប មួយនេះបដិសេធមិនលក់យន្តហោះចម្បាំងទៅ អ៊ុយក្រែន ព្រោះខ្លាចប៉ះពាល់ដល់ រុស្ស៊ី

បានផុស

៣ years មុន

នៅ

ថ្ងៃចន្ទ ១៨ មេសា ២០២២

ដោយ

គេហទំព័រ European Pravda របស់អ៊ុយក្រែនបានរាយការណ៍កាលពីថ្ងៃអាទិត្យថា អ៊ុយក្រែនបានស្នើសុំឲ្យប្រទេសម៉ុលដាវីលក់ ឬប្រគល់យន្តហោះចម្បាំង MiG-29 របស់ខ្លួន ប៉ុន្តែទីក្រុង Chisinau បានបដិសេធសំណើនេះដើម្បីកុំឲ្យប៉ះពាល់ដល់ទំនាក់ទំនងជាមួយរុស្ស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារព័ត៌មានខាងលើបានឲ្យដឹងថា ទីក្រុងកៀវបានធ្វើការស្នើសុំនេះ ក្នុងអំឡុងពេលថ្ងៃដំបូងនៃប្រតិបត្តិការយោធាពិសេសរបស់រុស្ស៊ី ប៉ុន្តែត្រូវបានបដិសេធដោយថ្នាក់ដឹកនាំប្រទេសម៉ុលដូវី ។

រដ្ឋាភិបាលប្រទេសម៉ុលដាវីបានពន្យល់ថា ខ្លួនមិនចង់ធ្វើឲ្យទីក្រុងមូស្គូខឹងសម្បារណាមួយឡើយ ព្រោះរុស្ស៊ីអាចចាត់ទុកថា ទង្វើនោះជាការបំពានលើគោលការណ៍នៃអព្យាក្រឹតភាព ។

ចំណែកក្រសួងការពារជាតិម៉ុលដាវីបាននិយាយថា ប្រទេសម៉ុលដាវីមានយន្តហោះចម្បាំង MiG-29 កំពុងប្រតិបត្តិការចំនួន ៦ គ្រឿង ប៉ុន្តែមិនត្រូវបានដាក់ពង្រាយក្នុងរយៈពេលយូរមកហើយ ហើយទីក្រុង Chisinau ក៏បានព្យាយាមលក់វាមួយរយៈមកហើយផងដែរ ប៉ុន្តែមិនបានផលអ្វីសោះ ។

គួរបញ្ជាក់ថា រហូតមកពេលនេះប្រតិបត្តិការយោធាពិសេសរបស់រុស្ស៊ីនៅអ៊ុយក្រែនបានឈានចូលដល់ថ្ងៃទី ៥៤ ហើយ ។ កាលពីថ្ងៃទី២៤ ខែកុម្ភៈ ប្រធានាធិបតីរុស្ស៊ីលោក វ្ល៉ាឌីមៀ ពូទីន បានប្រកាសពីការចាប់ផ្តើមប្រតិបត្តិការសំដៅការពារប្រជាជនដែលទទួលរងការរំលោភបំពាន និងការប្រល័យពូជសាសន៍ដោយទីក្រុងកៀវ ៕