រុស្ស៊ីទម្លាយវីដេអូ កងម៉ារីនអ៊ុយក្រែនជាង​ ១ពាន់នាក់ សុំចុះចាញ់

កាលពីប៉ុន្មានថ្ងៃមុន កងម៉ារីនអ៊ុយក្រែនជាង ១,០០០នាក់ ត្រូវគេរាយការណ៍ថា​ បានចុះចាញ់ ហើយក្រសួងការពារជាតិរុស្ស៊ីអះអាងថា ខ្លួនបានកាន់កាប់ទីក្រុងកំពង់ផែ Mariupol ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូដែលចាក់ផ្សាយតាមកញ្ចក់ទូរទស្សន៍រដ្ឋរុស្ស៊ី បានបង្ហាញឲ្យឃើញថា ទាហានអ៊ុយក្រែនសុំចុះចាញ់បន្ទាប់ពីបានកាន់កាប់ទីក្រុងកំពង់ផែដ៏សំខាន់ ចាប់តាំងពីផ្ទុះសង្គ្រាមកាលពីថ្ងៃទី ២៤ ខែកុម្ភៈមក។

ទាហានដែលចេញពីលេណដ្ឋាននៅរោងចក្រដែកមួយ ត្រូវបានគេថតជាប់ ឃើញដើរលើកដៃឡើងលើ ខណៈបុរសម្នាក់កំពុងជួយសែងសមមិត្តនៅលើហ្វ្រង់ការ។

ប្រទេសរុស្ស៊ីនិយាយថា កងម៉ារីនអ៊ុយក្រែនចំនួន ១០២៦ នាក់ដែលចូលពួននៅរោងចក្រដែក Ilyich និងនៅក្នុងសង្កាត់ឧស្សាហកម្មរបស់ទីក្រុងត្រូវបានបង្ខំឲ្យចុះចាញ់ រួមទាំងមន្រ្តីចំនួន ១៦២នាក់ផងដែរ។

ក្រសួងការពារជាតិវិមានក្រឹមឡាំងថែមទាំងបាននិយាយផងដែរថា សមាជិកនៃកងពលតូចម៉ារីនទី៣៦របស់អ៊ុយក្រែនបាន ទម្លាក់អាវុធដោយស្ម័គ្រចិត្ត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ៣ប្រទេសទៀត ហាមកប៉ាល់រុស្ស៊ី មិនឲ្យចូលដែនទឹករបស់ខ្លួន