រុស្ស៊ី បង្ហាញឈ្មោះប្រទេស មានទាហានស៊ីឈ្មួលប្រយុទ្ធនៅអ៊ុយក្រែន ច្រើនជាងគេបំផុត

ក្រសួងការពារជាតិរុស្ស៊ី បាននិយាយកាលពីថ្ងៃអាទិត្យទី១៧ខែមេសាថា ទាហានស៊ីឈ្នួលបរទេសប្រមាណ ៦៨២៤នាក់មកពី ៦៣ប្រទេស បានមកអ៊ុយក្រែនដើម្បីប្រយុទ្ធរួមជាមួយរដ្ឋាភិបាលរបស់លោក Volodymyr Zelensky។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមនោះ មាន ១០៣៥នាក់ត្រូវបានសម្លាប់។ យុទ្ធជនបរទេសចំនួន៤០០នាក់ ត្រូវបានឃុំខ្លួននៅក្នុងទីក្រុង Mariupol ជាកន្លែងដែលកងកម្លាំងជាតិនិយម បដិសេធចុះចាញ់។

អ្នកប្រយុទ្ធបរទេសច្រើនបំផុតពោល ១៧១៧ នាក់គឺមកពីប្រទេសប៉ូឡូញ ខណៈប្រហែល ១៥០០នាក់ មកពីសហរដ្ឋអាមេរិក កាណាដា និងរ៉ូម៉ានី។ មនុស្ស ៣០០នាក់មកពីចក្រភពអង់គ្លេស និងហ្សកហ្ស៊ី ហើយ១៩៣នាក់ មកពីតំបន់ដែលគ្រប់គ្រងដោយតួកគីក្នុងប្រទេសស៊ីរី។

តួលេខទាំងនេះ ត្រូវបានប្រកាសកាលពីថ្ងៃអាទិត្យ ដោយអ្នកនាំពាក្យក្រសួងការពារជាតិ ឧត្តមសេនីយ៍ទោ Igor Konashenkov។ បើយោងតាមលោកឧត្តមសេនីយ៍, ទាហានស៊ីឈ្នួលបរទេសចំនួន១០៣៥នាក់ ត្រូវបានសម្លាប់ដោយកងកម្លាំងរុស្ស៊ី ហើយ៩១២នាក់ បានភៀសខ្លួនចេញពីអ៊ុយក្រែនដោយបន្សល់ទុក ៤៨៧៧នាក់ ប្រយុទ្ធនៅក្នុងទីក្រុង Kiev, Kharkov, Odessa, Nikolaev និង Mariupol។

លោក Konashenkov បានសង្កត់ធ្ងន់ថា ប្រហែល៤០០នាក់ក្នុងចំណោមយុទ្ធជនបរទេសទាំងនេះ នៅតែបង្កប់ជាមួយកងវរសេនាតូចជាតិនិយមអ៊ុយក្រែន ក្នុងទីក្រុងកំពង់ផែ Mariupol ដែលត្រូវបានឡោមព័ទ្ធ៕

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ីទម្លាយវីដេអូ កងម៉ារីនអ៊ុយក្រែនជាង ១ពាន់នាក់ សុំចុះចាញ់