ព័ត៌មានអន្ដរជាតិ
ស៊ែប៊ី ចោទអ៊ុយក្រែន និងប្រទេសអឺរ៉ុបមួយពីបទគំរាមបំផ្ទុះគ្រាប់បែកលើអាកាសចរណ៍ខ្លួន
ប្រធានាធិបតីស៊ែប៊ី លោក Aleksandar Vucic បានចោទប្រកាន់ប្រទេសអ៊ុយក្រែន និងប្រទេសមួយនៅអឺរ៉ុបមិនបញ្ចេញឈ្មោះពីបទនៅពីក្រោយនៃការគំរាមបំផ្ទុះគ្រាប់បែកដ៏អាក្រក់លើយន្តហោះរបស់អាកាសចរណ៍ស៊ែប៊ី។
ចាប់តាំងពីប្រទេសរុស្ស៊ីបានធ្វើប្រតិបត្តិការយោធានៅប្រទេសអ៊ុយក្រែនកាលពីចុងខែកុម្ភៈមក ការហោះហើររបស់អាកាសចរណ៍ស៊ែប៊ីជាច្រើនត្រូវបានបង្ខំឲ្យវិលត្រឡប់ទៅទីក្រុង Belgrade ឬទីក្រុងមូស្គូវិញ ដោយសារការគំរាមកំហែងបំផ្ទុះគ្រាប់បែក ហើយអាកាសយានដ្ឋាននៅទីក្រុង Belgrade ត្រូវបានជម្លៀសមនុស្សចេញយ៉ាងហោចណាស់៣ដងហើយ។
«សេវាស៊ើបការណ៍បរទេសរបស់ប្រទេសទាំងពីរកំពុងធ្វើរឿងនោះ។ ប្រទេសមួយនៅអឺរ៉ុប ហើយប្រទេសមួយទៀតគឺអ៊ុយក្រែន»។ លោក Vucic បាននិយាយកាលពីយប់ថ្ងៃអាទិត្យ ប៉ុន្តែលោកមិនបានបញ្ជាក់លំអិតទេ។
ក្នុងសេចក្តីថ្លែងការណ៍មួយ លោក Oleg Nikolenko អ្នកនាំពាក្យរបស់ក្រសួងការបរទេសអ៊ុយក្រែនបានបដិសេធចំពោះការចោទប្រកាន់របស់លោក Vucic និងបានចាត់ទុកការលើកឡើងរបស់ប្រធានាធិបតីស៊ែប៊ីនេះថា គ្មានមូលដ្ឋាន និងមិនពិត។
លោកក៏បាននិយាយថា អ៊ុយក្រែនខកចិត្តចំពោះប្រទេសស៊ែប៊ីដែលបដិសេធចូលរួមជាមួយអឺរ៉ុបក្នុងការដាក់ទណ្ឌកម្មប្រឆាំងលើរុស្ស៊ី។
សេចក្តីថ្លែងការណ៍បានលើកឡើងថា ៖«យើងខ្ញុំសូមអំពាវនាវដល់រដ្ឋាភិបាលទីក្រុង Belgrade ក្រោកឈរឡើងដើម្បីសេចក្តីពិត និងចូលរួមគាំទ្រពេញលេញដល់អ៊ុយក្រែន ព្រមទាំងរក្សាតម្លៃនៃប្រជាធិបតេយ្យដែលអឺរ៉ុបរួមដៃគ្នាបង្កើតឡើង»។
ប្រទេសស៊ែប៊ី ដែលជាបេក្ខភាពមួយសម្រាប់សមាជិកសហភាពអឺរ៉ុប ស្ទើរតែទាំងស្រុងពឹងផ្អែកលើឧស្ម័ន និងប្រេងរុស្ស៊ី។ ប្រទេសនេះបដិសេធក្នុងការដាក់ទណ្ឌកម្មលើរដ្ឋាភិបាលវិមានក្រឹមឡាំង និងរក្សាការហោះហើរធម្មតាទៅទីក្រុងមូស្គូ។
លោក Vucic បាននិយាយថា ៖«យើងខ្ញុំកំពុងបន្តការហោះហើរទាំងនោះ ពីព្រោះយើងចង់បង្ហាញថា យើងជាប្រទេសសេរីមួយ ហើយយើងមានការសម្រេចចិត្តផ្ទាល់ខ្លួន។ កុំសម្រេចចិត្តឲ្យពួកយើងដើម្បីឲ្យលុបចោលការហោះហើរ»។
ប៉ុន្មានសប្តាហ៍ចុងក្រោយនេះ រដ្ឋាភិបាលក្រុង Belgrade បានបោះឆ្នោត៣ដងហើយសម្រាប់ដំណោះស្រាយរបស់អង្គការសហប្រជាជាតិក្នុងការថ្កោលទោសចំពោះការវាយប្រហាររបស់រុស្ស៊ីលើអ៊ុយក្រែន និងការព្យួររុស្ស៊ីពីក្រុមប្រឹក្សាសិទ្ធិមនុស្សអង្គការសហប្រជាជាតិ៕
ប្រែសម្រួល៖ វីរបុត្រ
ប្រភព៖ Reuters
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៧ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ