រុស្ស៊ី​ ចេញ​ឱសានវាទ​ថ្មី​ ឲ្យកងទ័ពអ៊ុយក្រែននៅទីក្រុង Mariupol ដាក់អាវុធចុះ

នៅថ្ងៃពុធទី២០ខែមេសានេះ ក្រសួងការពារជាតិរុស្ស៊ី បានអំពាវនាវជាថ្មីម្តងទៀត ដល់កងទ័ពអ៊ុយក្រែន ដែលឈរជើងនៅខាងក្នុងរោងចក្រដែក Azovstal នៃទីក្រុង Mariupol ត្រូវដាក់អាវុធចុះ។

ទីក្រុង Mariupol ត្រូវបានឡោមព័ទ្ធដោយការវាយប្រហាររបស់រុស្ស៊ី ប៉ុន្តែកងវរសេនាតូច Azov របស់អ៊ុយក្រែន ត្រូវបានគេរាយការណ៍ថា នៅតែឈរជើងក្នុងរោងចក្រ Azovstal ដែលជារោងចក្រផលិតដែកដ៏ធំមួយ។

កងទ័ពរុស្ស៊ី នឹងអនុវត្តបទឈប់បាញ់ នៅពេលសំណើនេះចូលជាធរមាន ដោយចាប់ផ្តើមពីម៉ោង ១១:០០ ថ្ងៃទី២០ខែមេសាទៅ។

យ៉ាងណាក្តី ក្រសួងបាននិយាយនៅក្នុងសេចក្តីថ្លែងការណ៍មួយថា មិនមានទាហានអ៊ុយក្រែនណាម្នាក់ ទទួលយកសំណើនេះទេ។

យោធារុស្ស៊ីនិយាយថា ខ្លួនបានគ្រប់គ្រងស្ទើរតែទាំងអស់នៃទីក្រុង Mariupol ប៉ុន្តែមន្ត្រីអ៊ុយក្រែនទទូចថា ទាហានដែលនៅសល់របស់ពួកគេនឹងប្រយុទ្ធរហូតដល់ទីបញ្ចប់៕

ប្រែសម្រួល៖ Vann Vann

ប្រភព៖ BBC

ចុចអាន៖ UN បញ្ជាក់ពីចំនួនជនស៊ីវិលស្លាប់ និងរបួសនៅ អ៊ុយក្រែន