ព័ត៌មានអន្ដរជាតិ

ទង់ជ័យជម្នះសម័យសង្គ្រាមលោកលើកទី ២ របស់ សូវៀត លេចឡើងនៅ ទូទាំងផ្នែកនៃ អ៊ុយក្រែន កាន់កាប់ដោយ រុស្ស៊ី

បានផុស

៣ years មុន

នៅ

ថ្ងៃព្រហស្បតិ៍ ២១ មេសា ២០២២

ដោយ

ទង់ជ័យជម្នះរបស់សហសូវៀតក្នុងសម័យសង្គ្រាមលោកលើកទី ២ កំពុងចាប់ផ្តើមលេចឡើងពាសពេញផ្នែកនៃប្រទេសអ៊ុយក្រែនដែលកាន់កាប់ដោយរុស្ស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ៩ ខែឧសភា ឆ្នាំ ១៩៤៥ ទង់ក្រហមត្រូវបានបង្ហោះឡើងលើទីក្រុងប៊ែរឡាំង នៅពេលដែលពួកណាស៊ីបានចុះចាញ់សូវៀត ហើយចាប់ពីពេលនោះមកវាបានក្លាយជាថ្ងៃឈប់សម្រាកមួយនៅក្នុងប្រទេសរុស្ស៊ី ហើយវាក៏ជារូបតំណាងដ៏សំខាន់មួយរបស់ប្រទេសរុស្ស៊ីផងដែរ ។

ចំណែកវីដេអូដែលបានផ្សព្វផ្សាយកាលពីថ្ងៃអង្គារបង្ហាញថា ទាហានរុស្ស៊ីបានលើកទង់ជាតិដ៏ធំមួយជាផ្នែកនៃការឃោសនានៅក្នុងទីក្រុង Kherson របស់អ៊ុយក្រែនដែលត្រូវបានកាន់កាប់ដោយរុស្ស៊ី ។

ក្រោយមកទៀតវីដេអូឃោសនាដែលចេញផ្សាយកាលពីថ្ងៃពុធបង្ហាញពីក្រុមបំបែកខ្លួនដែលគាំទ្រដោយរុស្ស៊ី និងកងទ័ពនៅទីក្រុង Kreminna កំពុងរុះរើទង់ជ័យដាក់លើអគាររដ្ឋាភិបាលអ៊ុយក្រែន ។

ក្រុមមន្ត្រីអ៊ុយក្រែនបាននិយាយថា ទីក្រុង Kreminna បានធ្លាក់នៅក្រោមការគ្រប់គ្រងផ្តាច់ខ្លួនដែលគាំទ្រដោយរុស្ស៊ីកាលពីដើមសប្តាហ៍នេះ ។

ទន្ទឹមនោះទង់ជាតិក៏ត្រូវបានគេដាក់នៅលើអគារក្រុមប្រឹក្សាថ្នាក់តំបន់ក្នុងទីក្រុង Henichesk ដែលកាន់កាប់ដោយរុស្ស៊ីផងដែរ ខណៈរូបសំណាករបស់អតីតមេដឹកនាំសូវៀត លោក វ្ល៉ាឌីមៀ លេនីន ត្រូវបានក៏ដំឡើងឡើងវិញដូចគ្នានៅមុខអគារក្រុមប្រឹក្សាកាលពីដើមសប្តាហ៍នេះ ៕

ប្រែសម្រួលដោយ ៖ ជីវ័ន្ត

ប្រភព ៖ CNN

ចុចអាន ៖ រុស្ស៊ី ដាក់ទាហានស៊ីឈ្នួលបរទេសដល់ទៅ ២ ម៉ឺននាក់ក្នុងសង្គ្រាម អ៊ុយក្រែន ដំណាក់កាលថ្មី