លោក ស៊ី ជីនពីង បញ្ជាក់ជាថ្មី អំពី​ការប្រឆាំងចំពោះ​ទណ្ឌកម្ម​លើ រុស្ស៊ី

ប្រធានាធិបតី​ចិន លោក ស៊ី ជីនពីង បាន​រំលឹក​ឡើងវិញ​ពី​ការ​ប្រឆាំង​របស់​ទីក្រុង​ប៉េកាំង​ចំពោះ​ទណ្ឌកម្មនានា ​ដូចជាទណ្ឌកម្មដែល​ដាក់​ដោយ​ប្រទេស​លោកខាងលិច​លើ ​រុស្ស៊ីជាដើម។

ថ្លែងទៅកាន់វេទិកាសេដ្ឋកិច្ចក្នុងតំបន់, លោក ស៊ី បាននិយាយថា ប្រទេសចិនប្រឆាំងនឹងយុត្តាធិការអាវុធ ហើយថា យុទ្ធសាស្ត្រនៃសម្ពាធខ្លាំងក្លា និងការកាត់ផ្តាច់ការផ្គត់ផ្គង់ នឹងមិនដំណើរការទេ។

ស្របពេលជាមួយគ្នានោះ លោកបានថ្កោលទោសនូវអ្វីដែលលោកហៅថា “ចិត្តគំនិតសង្រ្គាមត្រជាក់” ជាឯកតោភាគីនិយម និងអនុត្តរភាព ដែលពាក្យបែបនេះ ចិនតែងតែប្រើដើម្បីរិះគន់គោលនយោបាយរបស់សហរដ្ឋអាមេរិក។

ផ្ទុយទៅវិញ ក្រុងប៉េកាំងបានបដិសេធ ថ្កោលទោសការលុកលុយរបស់រុស្ស៊ីលើអ៊ុយក្រែន ហើយបានសន្យាបន្តទំនាក់ទំនងពាណិជ្ជកម្មធម្មតា ជាមួយនឹងអ្វីដែលខ្លួនពិពណ៌នាថា ជាដៃគូយុទ្ធសាស្ត្រដ៏ទូលំទូលាយរបស់ខ្លួន៕

ប្រែសម្រួល៖ Vann Vann

ប្រភព៖ BBC

ចុចអាន៖ មន្ត្រីកំពូលៗដើរចេញពីកិច្ចប្រជុំ G20 នៅពេលប្រតិភូរុស្ស៊ី ឡើងថ្លែង