ព័ត៌មានអន្ដរជាតិ

លោក Zelensky ប្រាប់មូលហេតុធ្លាក់ទីក្រុង Mariupol ទៅក្នុងកណ្ដាប់ដៃ រុស្ស៊ី (មានវីដេអូ)

បានផុស

៣ years មុន

នៅ

ថ្ងៃសុក្រ ២២ មេសា ២០២២

ដោយ

ប្រធានាធិបតីអ៊ុយក្រែនលោក Volodymyr Zelensky បាននិយាយថា កងកម្លាំងអ៊ុយក្រែនមិនមានអាវុធធុនធ្ងន់ និងគ្រប់គ្រាន់ដើម្បីការពារទីក្រុង Mariupol ឡើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានាធិបតីបានលើកឡើងបែបនេះ បន្ទាប់ពីកងកម្លាំងរុស្ស៊ីបានដណ្តើមយកបានទាំងស្រុង នូវទីក្រុងកំពង់ផែសមុទ្រខ្មៅដ៏សំខាន់ Mariupol កាលពីថ្ងៃព្រហស្បតិ៍ ។

លោកបានបន្ថែមថា រហូតមកដល់ពេលនេះសកម្មប្រយុទ្ធអ៊ុយក្រែនជាង ២,០០០ នាក់នៅតែបន្តពួនក្នុងរោងចក្រដែក Azovstal របស់ទីក្រុងនេះ ។

បើទោះជាយ៉ាងនេះក្ដី ប្រធានាធិបតីរុស្ស៊ី លោក វ្ល៉ាឌីមៀ ពូទីន កាលពីថ្ងៃព្រហស្បតិ៍បានបញ្ជាឲ្យយយោធារុស្ស៊ីលុបចោលផែនការវាយលុករោងចក្រដែក Azovstal ដោយឲ្យបន្តធ្វើការឡោមព័ន្ធទីក្រុងនេះជំនួសវិញ ។

ទន្ទឹមនោះ ក្រោយការដួលរលំទីក្រុង Mariupol របស់អ៊ុយក្រែនមួយនេះហើយ វាត្រូវបានគេមើលឃើញថានឹងអនុញ្ញាតឲ្យកងកម្លាំងរុស្ស៊ីមកពីរណសិរ្សភាគខាងត្បូង និងខាងកើតភ្ជាប់ទំនាក់ទំនងគ្នាសម្រាប់ការវាយលុកធំៗនៅកន្លែងផ្សេងទៀតផងដែរ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ CNN

ចុចអាន ៖ លោក Zelensky ថា អ៊ុយក្រែន ត្រៀមខ្លួនជាស្រេចប្រយុទ្ធជាមួយ រុស្ស៊ី ១០ ឆ្នាំទៅមុខទៀត (មានវីដេអូ)

ចុចអាន ៖ ទង់ជ័យជម្នះសម័យសង្គ្រាមលោកលើកទី ២ របស់ សូវៀត លេចឡើងនៅ ទូទាំងផ្នែកនៃ អ៊ុយក្រែន កាន់កាប់ដោយ រុស្ស៊ី