លោក Zelensky៖ រុស្ស៊ីចង់លុកលុយប្រទេសផ្សេងទៀត ការ​វាយ​ប្រហារ​​អ៊ុយក្រែន​ គ្រាន់​តែ​ជា​ការ​ចាប់​ផ្តើម​ប៉ុណ្ណោះ

ប្រធានាធិបតីអ៊ុយក្រែនលោក Volodymyr Zelensky បាននិយាយអំពីការលើកឡើងរបស់មេបញ្ជាការរុស្ស៊ី Rustam Minnekayev ដែលនិយាយថា ទីក្រុងមូស្គូចង់គ្រប់គ្រងភាគខាងត្បូងប្រទេសអ៊ុយក្រែន ព្រោះថា វានឹងផ្តល់លទ្ធភាពចូលទៅកាន់តំបន់បំបែកខ្លួន Transnistria ក្នុងប្រទេសម៉ុលដាវី។

លោក Zelensky បានឲ្យដឹងថា ការកត់សម្គាល់នេះបង្ហាញថា រុស្ស៊ីចង់លុកលុយប្រទេសផ្សេងទៀត ហើយថា ការវាយប្រហារលើអ៊ុយក្រែន គ្រាន់តែជាការចាប់ផ្តើមប៉ុណ្ណោះ។

លោក Zelensky បាននិយាយនៅក្នុងសុន្ទរកថាពេលយប់ថា “មែនហើយ នេះបញ្ជាក់នូវអ្វីដែលខ្ញុំបាននិយាយជាច្រើនដងមកហើយ។ ការលុកលុយរបស់រុស្ស៊ីលើអ៊ុយក្រែន គឺមានបំណងគ្រាន់តែជាការចាប់ផ្តើមប៉ុណ្ណោះ បន្ទាប់មកពួកគេចង់ចាប់យកប្រទេសផ្សេងទៀត”។

ពិតណាស់ យើងនឹងការពារខ្លួន ដរាបណាចាំបាច់ ដើម្បីបញ្ចប់មហិច្ឆិតា របស់សហព័ន្ធរុស្ស៊ី។ ប៉ុន្តែប្រជាជាតិទាំងអស់ ត្រូវតែតស៊ូជាមួយយើង។

ពួកគេត្រូវតែជួយយើង ព្រោះយើង ជាប្រទេសដំបូងគេលើផ្លូវនេះ ហើយតើអ្នកណាជាប្រទេសបន្ទាប់? នេះគឺជារឿងដ៏ប្រថុយប្រថានបំផុត ពីព្រោះអ្នកនឹងបាត់បង់អ្វីៗទាំងអស់៕

ប្រែសម្រួល៖ Vann Vann

ប្រភព៖ BBC

ចុចអាន៖ ទាហានអ៊ុយក្រែន កំពុងហ្វឹកហាត់នៅ ចក្រភពអង់គ្លេស