ព័ត៌មានអន្ដរជាតិ
ថៃបើកប្រទេសពេញឡើងវិញសម្រាប់ភ្ញៀវបរទេសចាប់ពីថ្ងៃទី១ឧសភា
គម្រោង «Test&Go ឬ តេស្ត&ទៅ»សម្រាប់អ្នកដំណើរបរទេស និងការធ្វើតេស្ត RT-PCR សម្រាប់អ្នកដំណើរទៅដល់ទឹកដីថៃនឹងបញ្ចប់នាបំណាច់ខែមេសានេះ ខណៈអ្នកដំណើរចាក់វ៉ាក់សាំងតម្រូវឲ្យធ្វើតេស្តដោយខ្លួនអំឡុងការស្នាក់នៅរបស់ពួកគេគិតចាប់ពីថ្ងៃទី១ ខែឧសភាទៅដែលជាផ្នែកមួយនៃការបន្ធូរបន្ថយច្បាប់រឹតបន្តឹងចូលប្រទេសដើម្បីបង្កើនសេដ្ឋកិច្ច និងទេសចរណ៍។
ទោះបីជាយ៉ាងណា ការចុះបញ្ជីប័ណ្ណចូលប្រទេសថៃនឹងត្រូវរក្សាទុកដដែល។ ការផ្លាស់ប្តូរត្រូវបានអនុម័តនៅកិច្ចប្រជុំមួយរបស់មជ្ឈមណ្ឌលគ្រប់គ្រងស្ថានភាពកូវីដ-១៩ (CCSA) កាលពីថ្ងៃសុក្រម្សិលមិញ។
«គម្រោង “ធ្វើតេស្ត&ទៅ” នឹងត្រូវលុបចោល ហើយនឹងមានតម្រូវការឲ្យធ្វើតេស្តខ្លួនឯងគិតចាប់ពីថ្ងៃទី១ ខែឧសភា។ នេះនឹងកាន់តែងាយស្រួល និងឆាប់រហ័សសម្រាប់ភ្ញៀវ។ វិស័យទេសចរណ៍ក៏នឹងចាប់ផ្តើមងើបឡើងវិញ»។ នេះជាការលើកឡើងរបស់លោក នាយករដ្ឋមន្ត្រី ប្រាយុទ្ធ ចាន់អ៊ូចា បន្ទាប់ពីដឹកនាំកិច្ចប្រជុំ។
លោកបន្តថា ៖«ប្រទេសជាច្រើនកំពុងបន្ធូរបន្ថយការរឹតបន្តឹងកាន់តែច្រើន ហើយប្រទេសយើងពឹងផ្អែកខ្លាំងលើវិស័យទេសចរណ៍ដើម្បីជំរុញសេដ្ឋកិច្ច»។
លោកក៏មានប្រសាសន៍ថា រដ្ឋាភិបាលនឹងពិចារណាពីលទ្ធភាពនៃគម្រោងទេសចរណ៍«ប្រទេសពីរ គោលដៅមួយ»ដើម្បីផ្សព្វផ្សាយ និងលើកកម្ពស់វិស័យទេសចរណ៍រវាងប្រទេសថៃ និងប្រទេសផ្សេងៗ។
ជាមួយនឹងការបន្ធូរបន្ថយច្បាប់ធ្វើដំណើរ លោកនាយករដ្ឋមន្ត្រីបានបញ្ជាក់ថា ថៃនឹងបើកឡើងវិញពេញលេញសម្រាប់ភ្ញៀវទេសចរចាប់ពីថ្ងៃទី១ ខែឧសភា។
ទោះបីជាយ៉ាងណា លោក ប្រាយុទ្ធ ចាន់អ៊ូ បានលើកឡើងថា កិច្ចប្រជុំមិនបានពិភាក្សាពីការទម្លាក់ចំណាត់នៃជំងឺរាតតត្បាតកូវីដ-១៩ទៅជាជំងឺឆ្លងនោះទេ។ បញ្ហានេះនឹងត្រូវពិចារណានៅពេលក្រោយទៀត។
អ្នកនាំពាក្យ CCSA លោក Taweesilp Visanuyothin បាននិយាយថា ចាប់ពីថ្ងៃទី១ ខែឧសភា នឹងមិនមានគម្រោងចូលប្រទេស Test&Go ទៀតទេ។ រដ្ឋាភិបាលនឹងបង្កើតវិធានការផ្សេងសម្រាប់ជនបរទេសចាក់វ៉ាក់សាំង និងមិនចាក់វ៉ាក់សាំង។
ភ្ញៀវទេសចរចាក់វ៉ាក់សាំងនឹងមិនធ្វើតេស្តរកកូវីដ-១៩ទេពេលមកដល់។ វានឹងគ្រាន់តែណែនាំឲ្យធ្វើតេស្តដោយខ្លួនឯងអំឡុងពេលការស្នាក់នៅរបស់ពួកគេ។ អ្នកដំណើរចាក់វ៉ាក់សាំងត្រូវតែចុះបញ្ជីប័ណ្ណចូលប្រទេស និងបង្ហាញប័ណ្ណចាក់វ៉ាក់សាំង។
សម្រាប់ភ្ញៀវទេសចរហានិភ័យខ្ពស់នឹងត្រូវធ្វើចត្តាឡីស័ករយៈពេល៥ថ្ងៃ។ ការធានារ៉ាប់រង់សម្រាប់កូវីដចំពោះអ្នកដំណើរបរទេសមកដល់ទាំងអស់គឺអប្បបរមា១ម៉ឺនដុល្លារអាមេរិក។
លោក Taweesilp បញ្ជាក់ថា ការធ្វើតេស្តជាកំហឹតក្រោមគម្រោង«តេស្ត&ទៅ»ត្រូវបានបញ្ចប់ដោយសារតែទិន្នន័យបង្ហាញថា ការឆ្លងទាបក្នុងចំណោមអ្នកដំណើរបរទេសមកដល់គឺមានត្រឹមតែ០.៤៦%ប៉ុណ្ណោះក្នុងរយៈពេលមួយខែនេះ៕
ប្រែសម្រួល៖ វីរបុត្រ
ប្រភព៖ bangkokpost
ជនរងគ្រោះ៧០០០នាក់ពីមជ្ឈមណ្ឌលឆបោក នៅមីយ៉ាន់ម៉ា រង់ចាំធ្វើមាតុភូមិនិវត្តន៍
មីយ៉ាន់ម៉ាស្នើចុះបញ្ជីម្សៅលាបមុខ Thanakha នៅអង្គការយូណេស្កូ
សាន ផានិត ថា ខ្លួនគ្មានមហិច្ចតាកាច់កុងប្រជែងធ្វើស្តេចចម្រៀងទេ
រដ្ឋមន្ត្រីសុខាភិបាល ប្រាប់អង្គភាពសុខាភិបាលទូទាំងប្រទេស ផ្តល់អាទិភាពដល់អ្នកជំងឺចាស់ជរា និងជនមានពិការភាព
ខ្លឹម ស្រីគា ទម្លាយល្បិចជនឆបោក ចង់ Hack account Telegram ខ្លួន ចែករំលែកមហាជន ឱ្យប្រុងប្រយ័ត្ន
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
UNICEF ចេញសេចក្តីថ្លែងការណ៍ទាក់ទងនឹងករណីកូនប្រុស G-Devith ដោយគូសបញ្ជាក់ ២ចំណុចធំ
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ជីវិតកម្សាន្ដ៦ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត