ប្រមុខយោធា មីយ៉ាន់ម៉ា បន្តឲ្យមានការចរចាសន្តិភាពជាមួយមេដឹកនាំ ជនជាតិភាគតិច

ប្រមុខ​យោធា​មីយ៉ាន់ម៉ា​បាន​អំពាវនាវ​ជាថ្មី​ឲ្យ​មាន​បទ​ឈប់​បាញ់​ និង​ការ​ចរចា​សន្តិភាព​ជាមួយ​មេដឹកនាំ​ជនជាតិភាគតិច​ប្រដាប់អាវុធ​នៅ​ទូទាំង​ប្រទេស ។

ចលនា​នេះ​ត្រូវ​បាន​គេ​មើល​ឃើញ​ថា​ជា​ការ​ប៉ុនប៉ង​ដើម្បី​បញ្ឈប់​ពួកគេ​ពី​ការ​គាំទ្រ​ចលនា​គាំទ្រ​លទ្ធិប្រជាធិបតេយ្យ ។

កាល​ពី​ថ្ងៃ​សុក្រ ទូរទស្សន៍​រដ្ឋ​បាន​ផ្សាយ​ម្តង​ហើយ​ម្តង​ទៀត​នូវ​សុន្ទរកថា​របស់​លោក​ឧត្តម​សេនីយ៍ Min Aung Hlaing ដែល​លោក​បាន​អញ្ជើញ​ក្រុម​ទាំង​នោះ​ឲ្យ​ជួប​ពិភាក្សា​គ្នា និងស្នើ​ជួប​ពួក​គេ​ផ្ទាល់ផងដែរ ។

រហូតមកដល់ពេលនេះ ប្រទេសមីយ៉ាន់ម៉ាមានក្រុមជនជាតិភាគតិចប្រហែល ២០ ក្រុមដែលកំពុងស្វែងរកស្វ័យភាពទ្រង់ទ្រាយធំ ហើយពួកគេភាគច្រើនបាននៅឆ្ងាយពីការប៉ះទង្គិចគ្នារវាងយោធា និងកងកម្លាំងគាំទ្រលទ្ធិប្រជាធិបតេយ្យ ចាប់តាំងពីរដ្ឋប្រហារកាលពីឆ្នាំមុន ។

ប៉ុន្តែពួកគេមួយចំនួនដែលភាគច្រើននៅភាគខាងជើង និងភាគខាងកើតកំពុងចាប់ដៃជាមួយកងកម្លាំងគាំទ្រលទ្ធិប្រជាធិបតេយ្យ បន្ទាប់ពីត្រូវបានស្នើសុំឲ្យផ្តល់ការបណ្តុះបណ្តាលក្រុមអ្នកប្រយុទ្ធ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ លោក Zelensky ថា អ៊ុយក្រែន នឹងមិនចុះចាញ់សង្គ្រាមលុកលុយរបស់ រុស្ស៊ី ឡើយ