UN បញ្ចេញចំនួនជនស៊ីវិលស្លាប់ក្នុងការលុកលុយរបស់ រុស្ស៊ី លើ អ៊ុយក្រែន

ការិយាល័យឧត្តមស្នងការអង្គការសហប្រជាជាតិ (UN) ទទួលបន្ទុកសិទ្ធិមនុស្សបាននិយាយថា គិតត្រឹមថ្ងៃសុក្រ យ៉ាងហោចណាស់ជនស៊ីវិលចំនួន ២,៤៣៥ នាក់ត្រូវបានសម្លាប់នៅក្នុងប្រទេសអ៊ុយក្រែន ចាប់តាំងពីការលុកលុយរបស់រុស្ស៊ីបានចាប់ផ្តើមនៅថ្ងៃទី ២៤ ខែកុម្ភៈ ខណៈតួលេខនេះរួមមានកុមារចំនួន ១៨៤ នាក់ ។

ទីភ្នាក់ងារនេះនិយាយថា ក្នុងចំណោមអ្នកស្លាប់ ១,៤២៣ នាក់គឺស្ថិតនៅក្នុងតំបន់នៃទីក្រុងកៀវ ទីក្រុង Kharkov នៅភាគខាងកើត ទីក្រុង Chernihiv នៅភាគខាងជើង និងទីក្រុង Kherson នៅភាគខាងត្បូង ហើយ ១,០១២ នាក់ត្រូវបានកត់ត្រានៅតំបន់ភាគខាងកើតនៃសាធារណរដ្ឋ Donetsk និង Luhansk ខណៈជនស៊ីវិល ២,៩៤៦ នាក់បានរងរបួស ។

ទីភ្នាក់ងារនេះបញ្ជាក់ថា ចំនួនអ្នកស្លាប់ និងរបួសពិតប្រាកដគឺខ្ពស់ជាងនេះឆ្ងាយណាស់ ដោយសារតែស្ថានការណ៍នៅទីក្រុង Mariupol និងតំបន់ផ្សេងទៀតស្ថិតនៅក្រោមការទម្លាក់គ្រាប់បែកយ៉ាងខ្លាំងដោយកងកម្លាំងរុស្ស៊ី ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ លោក Zelensky ថា អ៊ុយក្រែន នឹងមិនចុះចាញ់សង្គ្រាមលុកលុយរបស់ រុស្ស៊ី ឡើយ