លោក Macron ឈ្នះឆ្នោតប្រធានាធិបតីបារាំង កាន់តំណែង ៥ឆ្នាំទៀត (មានវីដេអូ)

លោក Emmanuel Macron បានឈ្នះឆ្នោតកាន់តំណែងជាប្រធានាធិបតីបារាំងរយៈពេលប្រាំឆ្នាំទៀត បន្ទាប់ពីផ្តួលគូប្រជែងលោកស្រី Marine Le Pen។

លោកបានឈ្នះឆ្នោតដោយសំឡេង ៥៨,៥៥% ទល់នឹង ៤១,៤៥% ខ្ពស់ជាងការរំពឹងទុក។

មេដឹកនាំនិយមកណ្តាលរូបនេះ បានប្រាប់អ្នកគាំទ្រនៅប៉ម Eiffel ថា ឥឡូវនេះការបោះឆ្នោតបានបញ្ចប់ហើយ លោកនឹងក្លាយជាប្រធានាធិបតីសម្រាប់ទាំងអស់គ្នា។

គួរបញ្ជាក់ថា ចំនួនអ្នកទៅបោះឆ្នោតមានមិនដល់ ៧២% ផង ដែលជាចំនួនទាបបំផុតនៅក្នុងការជាប់ឆ្នោតប្រធានាធិបតីចាប់តាំងពីឆ្នាំ ១៩៦៩មក។

វិបត្តិជីវភាពរស់នៅដែលប្រជាជនបារាំងរាប់លាននាក់ប្រឈមមុខ បានក្លាយជាបញ្ហាលេខមួយនៃយុទ្ធនាការបោះឆ្នោត ហើយគូប្រជែងរបស់ប្រធានាធិបតី បានចោទប្រកាន់លោកពីភាពក្រអឺតក្រទម និងដើរតួជាប្រធានាធិបតីអ្នកមាន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ នាយករដ្ឋមន្ត្រីប៉ូឡូញស្តីឲ្យលោក Macron ជុំវិញការពិភាក្សាជាមួយ Putin ថា “គ្មាននរណាទៅចរចាជាមួយ ហ៊ីត្លែរ ឬ ប៉ុល ពត ទេ”