លោក Zelensky អបអរលោក Macron មុនគេ សម្រាប់ការឈ្នះឆ្នោត

ប្រធានាធិបតីអ៊ុយក្រែនលោក Volodymyr Zelensky បានអបអរសាទរលោកប្រធានាធិបតីបារាំង Emmanuel Macron មុនគេសម្រាប់ការឈ្នះឆ្នោតលើគូប្រជែងលោកស្រី Marine Le Pen ។

នៅក្នុងការបង្ហោះលើបណ្ដាញ Twitter លោក Zelensky បានពណ៌នាថា លោក Macron ជា “មិត្តពិត” ហើយបានសម្តែងការដឹងគុណសម្រាប់ការគាំទ្ររបស់បារាំងចំពោះអ៊ុយក្រែន ចាប់តាំងពីរុស្ស៊ីបានលុកលុយ ។

លោក​បាន​សរសេរ​ថា​ “​ខ្ញុំ​ជឿជាក់​ថា​ យើង​កំពុង​ឈាន​ទៅ​មុខ​ជាមួយ​គ្នា​ឆ្ពោះ​ទៅ​រក​ជ័យជម្នះ​ទូទៅ​ថ្មី​ ​ហើយអឺរ៉ុបនឹងមានការរួបរួមថ្មី និងរឹងមាំបន្ថែមទៀត“ ។

គួរបញ្ជាក់ថា លោក Macron បានដើរតួនាទីសំខាន់ក្នុងការព្យាយាមបញ្ចប់សង្រ្គាមនៅអ៊ុយក្រែន ក៏ដូចជាទស្សនកិច្ចប្រធានាធិបតីរុស្ស៊ីនៅទីក្រុងមូស្គូ មុនពេលការលុកលុយរបស់រុស្ស៊ី និងបានចូលរួមក្នុងការហៅទូរស័ព្ទជាច្រើនលើកជាមួយលោក វ្ល៉ាឌីមៀ ពូទីន ចាប់តាំងពីពេលនោះមកផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ លោក Zelensky ចង់ជួបលោក Putin ម្ដងទៀតដើម្បីបញ្ចប់សង្គ្រាម