ព័ត៌មានអន្ដរជាតិ

មនុស្ស២នាក់ត្រូវបានប៉ូលិសបាញ់ស្លាប់ចំពេលមានការតវ៉ានៅបារីស

បានផុស

៣ years មុន

នៅ

ថ្ងៃចន្ទ ២៥ មេសា ២០២២

ដោយ

មនុស្សពីរនាក់ត្រូវបានបាញ់សម្លាប់នៅទីក្រុងបារីស ចំពោះមានការតវ៉ាជុំវិញការបោះឆ្នោតកាលពីល្ងាចថ្ងៃអាទិត្យ បន្ទាប់ពីប៉ូលិសបានបើកការបាញ់ប្រហារលើរថយន្តមួយគ្រឿងដែលព្យាយាមបើកសំដៅពួកគេ។

អ្នកបើក និងអ្នកដំណើរម្នាក់ទៀតត្រូវបានបាញ់សម្លាប់ ខណៈម្នាក់ទៀតអង្គុយនៅខាងក្រោយបានរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារព័ត៌មានថា អ្នកបើកត្រូវបានគេរាយការណ៍ថា ត្រូវបានស្នើសុំឲ្យឈប់រថយន្តដើម្បីត្រួតពិនិត្យ ប៉ុន្តែនៅពេលកំពុងត្រួតពិនិត្យ ស្រាប់តែអ្នកបើកបានចាប់ផ្តើមបើកចេញទៅ និងសំដៅទៅលើមន្ត្រីប៉ូលិស។ នៅពេលនោះ ប៉ូលិសម្នាក់បានដកកាំភ្លើងបាញ់ជាច្រើនគ្រាប់ដើម្បីការពារខ្លួន។

ឧបទ្ទវហេតុបានកើតឡើងអំឡុងពេលការតវ៉ានៅតាមទីកក្រុងជាច្រើនក្នុងប្រទេសបារាំង ក្នុងនោះមានទាំងទីក្រុងបារីស បន្ទាប់ពីការបោះឆ្នោតជ្រើសរើសប្រធានាធិបតីដោយលោក Emmanuel Macron ឈ្នះអាណត្តិទី២។ ជាមួយគ្នានោះ លោកប្រធានាធិបតីជាប់ឆ្នោតជាថ្មីនេះក៏បានប្រមូលផ្តុំអ្នកគាំទ្ររបស់ខ្លួននៅ Champ de Mars ដើម្បីថ្លែងសុន្ទរកថាដែរ។

យោងតាមក្រសួងមហាផ្ទៃ លោក Macron បានឈ្នះសំឡេងឆ្នោត៥៨.៥៥% ខណៈលោកស្រី Marine Le Pen ប្រធានគណបក្សការជួបជុំជាតិ (National Rally)ទទួលបាន៤១.៤៥សំឡេង៕

ប្រែសម្រួល៖ វីរបុត្រ
ប្រភព៖ AFP

Related Topics:ប្រទេសបារាំង