ព័ត៌មានអន្ដរជាតិ

លោក ពូទីន ដាក់ពង្រាយប្រព័ន្ធបាញ់នុយក្លេអ៊ែរ នៅជិតព្រំដែន អ៊ុយក្រែន

បានផុស

៣ years មុន

នៅ

ថ្ងៃចន្ទ ២៥ មេសា ២០២២

ដោយ

យោធាអ៊ុយក្រែននិយាយថា លោក ពូទីន បានដាក់ពង្រាយប្រព័ន្ធបាញ់មីស៊ីលចល័តធុន Iskander-M នៅចម្ងាយ ៦០គីឡូម៉ែត្រពីព្រំដែនអ៊ុយក្រែន។

Russian President Vladimir Putin attends the Orthodox Easter service at the Cathedral of Christ the Saviour in Moscow

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មីស៊ីល Ballistic ចំនួន២គ្រាប់ របស់ប្រព័ន្ធចល័តនេះ មានរយៈចម្ងាយដល់ទៅ ៤៨២គីឡូម៉ែត្រ ហើយអាចផ្ទុកក្បាលគ្រាប់ធម្មតា ឬនុយក្លេអ៊ែរទៀតផង។

កងកម្លាំងប្រដាប់អាវុធអ៊ុយក្រែនបាននិយាយនៅក្នុងការអាប់ដេតព័ត៌មានពេលព្រឹកប្រចាំថ្ងៃរបស់ខ្លួនថា “សត្រូវបានបង្កើនចំនួនកងទ័ពនៅក្នុងតំបន់ Belgorod ដោយការផ្ទេរ និងប្រមូលផ្តុំអង្គភាពបន្ថែម”។

Putin has deployed Iskander-M mobile battlefield missile launchers (above) within 40 miles of the Ukrainian border, Ukraine's military has said

ទោះមិនបានផ្តល់ព័ត៌មានលម្អិតអំពីទីតាំងនៃប្រព័ន្ធទាំងនេះក៏ដោយ ប៉ុន្តែអ៊ុយក្រែននិយាយថា “យោងតាមព័ត៌មានដែលទទួលបាន ប្រព័ន្ធបាញ់មីស៊ីល Iskander-M ត្រូវបានដាក់ពង្រាយនៅចម្ងាយ ៦០ គីឡូម៉ែត្រពីព្រំដែនជាមួយអ៊ុយក្រែន”។

Belgorod គឺជាទីក្រុង និងជាមជ្ឈមណ្ឌលរដ្ឋបាលនៃតំបន់ Belgorod របស់ប្រទេសរុស្ស៊ី ភាគខាងជើងនៃព្រំដែនជាមួយអ៊ុយក្រែន។

The Iskander, a mobile ballistic missile system codenamed SS-26 Stone by NATO, replaced the Soviet Scud missile

Iskander ដែលជាប្រព័ន្ធមីស៊ីលផ្លោងចល័ត ដាក់លេខកូដ SS-26 Stone ដោយអង្គការណាតូ គឺត្រូវបានប្រើប្រាស់ជំនួសមីស៊ីល Scud របស់សូវៀត។

ដោយត្រូវបានប្រើប្រាស់ជាលើកដំបូង ក្នុងការប្រយុទ្ធឆ្នាំ ២០០៨ នៅហ្សកហ្ស៊ី, មីស៊ីល Iskander ត្រូវបានរចនាឡើងដើម្បីគេចប្រព័ន្ធការពារមីស៊ីល ដោយការហោះហើរលើគន្លងទាប និងបង្កើនសមត្ថភាពក្នុងការហោះហើរដើម្បីវាយប្រហារគោលដៅចម្ងាយឆ្ងាយរហូតដល់ ៥០០ គីឡូម៉ែត្រ។ នេះបើយោងតាមមជ្ឈមណ្ឌលយុទ្ធសាស្រ្តនិងការសិក្សាអន្តរជាតិ (CSIS)៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ឃ្លាំងស្តុកប្រេងសម្រាប់ផ្គត់ផ្គង់ឲ្យកងទ័ពរុស្ស៊ី នៅព្រំដែន អ៊ុយក្រែន ត្រូវអគ្គិភ័យឆាបឆេះ