អាមេរិក តែងតាំងឯកអគ្គរដ្ឋទូតថ្មីប្រចាំប្រទេស អ៊ុយក្រែន

លោកប្រធានាធិបតី Joe Biden បានតែងតាំងអ្នកការទូតជើងចាស់លោកស្រី Bridget Brink ជាឯកអគ្គរដ្ឋទូតអាមេរិកថ្មីប្រចាំប្រទេស អ៊ុយក្រែន។

កាលពីថ្ងៃចន្ទទី២៥ខែមេសា សេតវិមានបានប្រកាសថា លោកស្រី Brink នឹងផ្លាស់ប្តូរទៅបំពេញមុខតំណែងដ៏សំខាន់ ដែលនៅទំនេរអស់រយៈពេល ៣ឆ្នាំមកហើយ។

យោងតាមទីក្រុងវ៉ាស៊ីនតោន, ការតែងតាំងលោកស្រី Brink បានកើតឡើងខណៈសហរដ្ឋអាមេរិក កំពុងបង្កើនការគាំទ្ររបស់ខ្លួនដល់អ៊ុយក្រែន ចំពេលមានការលុកលុយរបស់រុស្ស៊ី។

សេតវិមានបានបន្ថែមថា បទពិសោធន៍ដ៏ជោកជាំជាច្រើនទសវត្សរ៍របស់លោកស្រី Brink ធ្វើឲ្យលោកស្រីស័ក្តិសមជាពិសេស សម្រាប់ពេលវេលានេះក្នុងប្រវត្តិសាស្ត្រអ៊ុយក្រែន។

គួរបញ្ជាក់ថា បច្ចុប្បន្ន​ឯកអគ្គរដ្ឋទូត​ថ្មី​រូបនេះ ​កំពុង​បម្រើការ​ជា​ឯកអគ្គរដ្ឋទូត​សហរដ្ឋអាមេរិក​ប្រចាំ​ប្រទេស​ស្លូ​វ៉ា​គី និងបម្រើការ​ជា​អ្នកការទូតអស់​រយៈពេល​២៥​ឆ្នាំមកហើយ​៕

ប្រែសម្រួល៖ Vann Vann

ប្រភព៖​ BBC

ចុចអាន៖ រុស្ស៊ី បាញ់មីស៊ីលកម្ទេចផ្លូវដែកអ៊ុយក្រែន កាត់ផ្តាច់ការផ្គត់ផ្គង់អាវុធ ពីបរទេស