តើសព្វាវុធដែលលោកខាងលិច ផ្តល់ឲ្យអ៊ុយក្រែន ធ្លាក់ដល់ដៃអ្នកណា? (មានវីដេអូ)

រដ្ឋមន្ត្រីការបរទេសរុស្ស៊ីលោក Sergey Lavrov បាននិយាយកាលពីថ្ងៃចន្ទទី២៥ខែមេសាថា សព្វាវុធរបស់លោកខាងលិចដែលផ្គត់ផ្គង់ដល់ទីក្រុងកៀវ រួមទាំងមីស៊ីលប្រឆាំងរថពាសដែក Javelin ផងដែរនោះ អាចនឹងធ្លាក់ទៅក្នុងដៃពួកភេរវករ ហើយវិលត្រឡប់ទៅប្រទេសដែលផ្តល់អាវុធទាំងនោះវិញ។

Javelin គឺជាអាវុធចល័តមួយប្រភេទ ដែលត្រូវបានបង្កើតឡើងសម្រាប់ប្រឆាំងរថក្រោះ ប៉ុន្តែវាពិតជាអាចប្រើប្រាស់សម្រាប់ការវាយប្រហារភេរវកម្មបាន។

លោក Lavrov បាននិយាយក្នុងកម្មវិធី Bolshaya Igra របស់ទូរទស្សន៍ប៉ុស្តិ៍លេខ១រុស្ស៊ីថា តាមបទពិសោធន៍ពីមុនបង្ហាញថា ដោយសារតែអ៊ុយក្រែន គឺជាប្រទេសដែលគ្រប់គ្រងមិនបានល្អ ហើយកងវរសេនាតូចមានគោលគំនិតណាស៊ី និងអង្គភាពផ្សេងទៀត ដែលមិនស្ថិតនៅក្រោមការបង្គាប់បញ្ជារបស់អគ្គមេបញ្ជាការកំពូលនោះ, អាវុធទាំងនេះនឹងត្រូវបានចែកចាយ រួមទាំងទៅកាន់ប្រទេសដើម ដែលផ្គត់ផ្គង់អាវុធទាំងនេះផងដែរ។

ដោយឡែក លោក Lavrov និយាយថា ការប្រគល់សព្វាវុធរបស់លោកខាងលិចទៅឲ្យអ៊ុយក្រែនមានន័យថា សម្ព័ន្ធភាពណាតូ កំពុងចូលរួមសង្គ្រាមជាមួយរុស្ស៊ី។

នៅក្នុងបទសម្ភាសន៍មួយដែលចាក់ផ្សាយកាលពីថ្ងៃចន្ទ លោកនិយាយថា “អាវុធទាំងនេះនឹងក្លាយជាគោលដៅស្របច្បាប់សម្រាប់សកម្មភាពយោធារបស់រុស្ស៊ី នៅក្នុងបរិបទនៃប្រតិបត្តិការពិសេស”។

នៅក្នុងន័យសំខាន់ ណាតូបានចូលរួមក្នុងសង្គ្រាមជាមួយរុស្ស៊ីតាមរយៈតួជំនួស ហើយកំពុងបំពាក់អាវុធដល់តួជំនួសនោះ។ សង្គ្រាមមានន័យថាសង្រ្គាម៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik, BBC

ចុចអាន៖ អាមេរិក តែងតាំងឯកអគ្គរដ្ឋទូតថ្មីប្រចាំប្រទេស អ៊ុយក្រែន