ព័ត៌មានអន្ដរជាតិ
លោក Biden នឹងចាក់វ៉ាក់សាំងកូវីដនៅដើមសប្តាហ៍ក្រោយ
សារព័ត៌មាន CNN បានរាយការណ៍ថា ប្រធានាធិបតីជាប់ឆ្នោតសហរដ្ឋអាមេរិកលោក Joe Biden នឹងចាក់វ៉ាក់សាំងកូវីដ ១៩ លើកដំបូងរបស់គាត់នៅដើមសប្ដាហ៍ក្រោយ ហើយគ្រោងនឹងបង្ហាញជាសាធារណៈ ។
លោក Biden បានប្រាប់អ្នកយកព័ត៌មានកាលពីថ្ងៃពុធនៅទីក្រុង Wilmington រដ្ឋ Delaware ថា “ខ្ញុំមិនចង់ចាក់វ៉ាក់សាំងមុនគេនោះទេ ប៉ុន្តែខ្ញុំចង់ធ្វើឲ្យប្រាកដថាយើងបង្ហាញដល់ប្រជាជនអាមេរិកថាវាមានសុវត្ថិភាពក្នុងការចាក់វ៉ាក់សាំង ។ នៅពេលខ្ញុំធ្វើវាខ្ញុំនឹងធ្វើជាសាធារណៈដូច្នេះអ្នកទាំងអស់គ្នាអាចធ្វើជាសាក្សីនៃការសំរេចបានរបស់ខ្ញុំ” ។

លោក Biden បានប្រាប់កម្មវិធី Jake Tapper របស់ទូរទស្សន៍ CNN កាលពីដើមខែនេះថា គាត់សប្បាយចិត្តដែលទទួលបានវ៉ាក់សាំងការពារវីរុសនេះ នៅពេលដែលវេជ្ជបណ្ឌិត Anthony Fauci អ្នកជំនាញជំងឺឆ្លងកំពូលរបស់ប្រទេសបាននិយាយថា វាមានសុវត្ថិភាព ហើយគាត់នឹងចាក់វ៉ាក់សាំងនេះជាសាធារណៈដើម្បីបង្ហាញទំនុកចិត្តរបស់គាត់លើវ៉ាក់សាំង ខណៈអនុប្រធានាធិបតីជាប់ឆ្នោតលោកស្រី Kamala Harris ក៏បាននិយាយនៅក្នុងបទសម្ភាសន៍នោះដែរថា លោកស្រីក៏នឹងចាក់វ៉ាក់សាំងនេះផងដែរ ។
ទន្ទឹមនោះអតីតប្រធានាធិបតី ៣ រូបគឺលោក Bill Clinton លោក George W. Bush និងលោក Barack Obama សុទ្ធតែបាននិយាយថា ពួកគាត់នឹងចាក់វ៉ាក់សាំងការពារវីរុសនេះជាសាធារណៈដើម្បីបង្ហាញពីសុវត្ថិភាព និងប្រសិទ្ធភាពរបស់វា ។

បន្ថែមពីនេះដូសដំបូងនៃវ៉ាក់សាំង Pfizer-BioNTech ត្រូវបានចាក់បញ្ចូលទៅក្នុងបុគ្គលិកថែទាំសុខភាពដែលនៅជួរមុខនៃរោគរាតត្បាតកាលពីថ្ងៃចន្ទ ។ វ៉ាក់សាំងនេះត្រូវបានអនុញ្ញាតិដោយរដ្ឋបាលចំណីអាហារ និងឪសថអាមេរិក (FDA) សម្រាប់ប្រើជាបន្ទាន់កាលពីសប្តាហ៍មុន ខណៈ FDA ក៏កំពុងពិចារណាលើការអនុម័តឲ្យប្រើប្រាស់ជាបន្ទាន់សម្រាប់វ៉ាក់សាំងរបស់ក្រុមហ៊ុន Moderna នៅសប្តាហ៍នេះផងដែរ ។
គួរបញ្ជាក់ថា ក្រុមហ៊ុន Pfizer-BioNTech បានប្រកាសពីប្រសិទ្ធភាពក្នុងការព្យាបាលជំងឺកូវីដ ១៩ ចំនួន ៩៥ ភាគរយ ខណៈក្រុមហ៊ុន Moderna មានប្រសិទ្ធភាពចំនួន ៩៤ ភាគរយ ៕

ប្រែសម្រួលដោយ ៖ ជីវ័ន្ត
ប្រភព ៖ CNN
ចុចអាន ៖ ទីបំផុត WHO បញ្ជូនក្រុមអ្នកវិទ្យាសាស្ត្រទៅ អ៊ូហាន ដើម្បីរកប្រភពដើមនៃវីរុសកូរ៉ូណា
ចុចអាន ៖ ជនជាតិអាមេរិកមានប្រតិកម្មធ្ងន់ធ្ងរ ត្រូវបញ្ជូនទៅសង្គ្រោះបន្ទាន់ក្រោយចាក់វ៉ាក់សាំងកូវីដ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ