ព័ត៌មានអន្ដរជាតិ

កូរ៉េខាងជើងធ្វើពិធីដង្ហែមីស៊ីលធំបំផុត ICBMs និងប្តេជ្ញាអាភិវឌ្ឍបន្ថែម

បានផុស

៣ years មុន

នៅ

ថ្ងៃអង្គារ ២៦ មេសា ២០២២

ដោយ

ប្រទេសកូរ៉េខាងជើងនឹងបង្កើនការអភិវឌ្ឍអាវុធនុយក្លេអ៊ែររបស់ខ្លួនឲ្យកាន់តែខ្លាំងឡើង។ នេះតាមការឲ្យដឹងពីមេដឹកនាំកូរ៉េខាងជើង លោក គីម ជុងអ៊ុន ក្នុងពិធីព្យុះហយាត្រាយោធាដែលបង្ហាញពីមីស៊ីលអន្តរទ្វីប (ICBMs)។ សារព័ត៌មានរដ្ឋបានផ្សាយនៅថ្ងៃអង្គារ៍ ទី២៦ ខែមេសានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មានរដ្ឋកូរ៉េខាងជើង KCNA បានផ្សាយថា ពិធីដង្ហែផ្នែកយោធាបានធ្វើឡើងកាលពីថ្ងៃចន្ទម្សិលមិញអំឡុងពេលពិធីអបអរសាទរនៃការបង្កើតកងកម្លាំងប្រដាប់អាវុធរបស់កូរ៉េខាងជើង។ វាបានធ្វើឡើងនៅពេលរដ្ឋាភិបាលក្រុងព្យុងយ៉ាងបង្កើនការបាញ់សាកល្បងអាវុធ និងការតាំងបង្ហាញអំណាចយោធា ចំពេលកិច្ចពិភាក្សារំសាយអាវុធនុយក្លេអ៊ែរជាមួយសហរដ្ឋអាមេរិកជាប់គាំង និងរដ្ឋាបាលអភិរក្សរបស់កូរ៉េខាងត្បូងនឹងចូលកាន់អំណាចនាពេលខាងមុខ។

យោងតាមការផ្សាយរបស់ KCNA លោក គីម ជុងអ៊ុន មានប្រសាសន៍ថា ៖«កម្លាំងប្រដាប់អាវុធនុយក្លេអ៊ែររបស់សាធារណៈត្រូវត្រូវរួចរាល់ដើម្បីអនុវត្តបេសកកម្មឆ្លើយតបរបស់ខ្លួន និងការទប់ស្កាត់ដ៏ល្អឯកគ្រប់ពេលវេលា»។

បេសកកម្មជាមូលដ្ឋានរបស់កម្លាំងអាវុធនុយក្លេអ៊ែររបស់កូរ៉េខាងជើងគឺដើម្បីទប់ទល់នឹងសង្គ្រាម ប៉ុន្តែនោះប្រហែលជាមិនមែនជាការប្រើប្រាស់តែមួយនោះទេ ប្រសិនបើប្រទេសផ្សេងដាក់កាលៈទេសៈដែលមិនចង់បាន។ លោកបានបន្ថែម។

ក្នុងពិធីនេះ កូរ៉េខាងជើងបានបង្ហាញមីស៊ីលឆ្លងទ្វីបធំបំផុត ICBM គឺ Hwasong-17។ មីស៊ីលធំបំផុតនេះត្រូវបានបាញ់សាកល្បងជាលើកដំបូងកាលពីខែមុន ប៉ុន្តែមន្ត្រីនៅប្រទេសកូរ៉េខាងជើងជឿជាក់ថា កិច្ចខិតខំប្រឹងប្រែងក្នុងការធ្វើតេស្តពេញលេញបានបញ្ចប់ដោយការផ្ទុះមួយលើទីក្រុងព្យុងយ៉ាង។

សារព័ត៌មានរដ្ឋរបស់កូរ៉េខាងជើងមិនបានចេញផ្សាយភ្លាមៗទេពីរូបភាពនៃការធ្វើព្យុះហយាត្រាកាលពីថ្ងៃចន្ទនោះ ប៉ុន្តែក្បួនដង្ហែតែងតែបង្ហាញពីអាវុធដែលមិនធ្លាប់បានឃើញពីមុន ហើយជាទូទៅមានទាំងអាវុធវែងជាច្រើនប្រភេទដូចជា កាំភ្លើងធំ រថក្រោះ និងទាហានរាប់ពាន់នាក់ដែលស្រែក«អាយុវែងៗ»ដល់លោក គីម ជុងអ៊ុន៕

ប្រែសម្រួល៖ វីរបុត្រ
ប្រភព៖ Reuters

Related Topics:ប្រទេសកូរ៉េខាងជើង