តើជំនួយថ្មីរបស់អាមេរិក អាចជួយអ៊ុយក្រែន បានយ៉ាងដូចម្តេចខ្លះ?

ប្រធានផ្នែកស៊ើបការណ៍នៅក្រុមហ៊ុន McKenzie Intelligence Services លោកស្រី Louise Jones បានវិភាគលើជំនួយយោធាចុងក្រោយបំផុតក្នុងទំហំទឹកប្រាក់ ៧១៣លានដុល្លារ ដែលសហរដ្ឋអាមេរិក ផ្តល់ទៅឲ្យអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីនិយាយថា ការផ្តល់មូលនិធិបន្ថែមនេះគឺជាការប្រកាសដ៏សំខាន់ និងជាជំនួយត្រូវការជាចាំបាច់ ដែលនឹងជួយរដ្ឋាភិបាលក្នុងទីក្រុង កៀវ។

យោងតាមលោកស្រី Jones, ទឹកប្រាក់ចំនួន ៧១៣លានដុល្លារនេះ នឹងមិនផ្តល់ទៅឲ្យអ៊ុយក្រែនដោយផ្ទាល់ទេ ប៉ុន្តែផ្តល់ទៅតាមរយៈសមាជិកនៃអង្គការណាតូ។

លោកស្រី​និយាយ​ថា “មូលហេតុដែល​វា​មាន​ប្រយោជន៍​គឺ​ថា ជំនួយនេះនឹង​មាន​ឧបករណ៍​អតីត​សូវៀត​ជា​ច្រើន។ ដូច្នេះនេះគឺជាប្រភេទគ្រឿងផ្គត់ផ្គង់ និងឧបករណ៍ដែលមានប្រយោជន៍សម្រាប់អ៊ុយក្រែន។ យោធាអ៊ុយក្រែន ដឹងច្បាស់អំពីរបៀបប្រើឧបករណ៍ទាំងនេះ ហើយពួកគេអាចជួសជុលវាបានយ៉ាងងាយស្រួល”។

លោកស្រី Jones ក៏បាននិយាយដែរថា ទឹកប្រាក់ចំនួន ៣២២លានដុល្លារ ត្រូវបានគេកំណត់ផ្តល់ឲ្យទៅរដ្ឋាភិបាលអ៊ុយក្រែនដើម្បីចំណាយតាមដែលខ្លួនត្រូវការ៕

ប្រែសម្រួល៖ Vann Vann

ប្រភព៖ SKY

ចុចអាន៖ លោក Zelensky ប្រាប់ចំនួនមីស៊ីល ដែលរុស្ស៊ី បាញ់នៅ អ៊ុយក្រែន