ព័ត៌មានអន្ដរជាតិ
អាមេរិក និងសម្ព័ន្ធមិត្ត នឹងជួបប្រជុំគ្នា រាល់ខែស្តីពីការបំពាក់អាវុធដល់ អ៊ុយក្រែន
រដ្ឋមន្ត្រីការពារជាតិអាមេរិក លោក Lloyd Austin បាននិយាយកាលពីថ្ងៃអង្គារទី២៦ខែមេសាថា សហរដ្ឋអាមេរិកនិងសម្ព័ន្ធមិត្ត នឹងជួបប្រជុំគ្នាម្តងក្នុងមួយខែ ដើម្បីពិភាក្សាអំពីតម្រូវការការពារជាតិរបស់អ៊ុយក្រែន ក្នុងការប្រយុទ្ធជាមួយទាហានរុស្ស៊ី។

បន្ទាប់ពីសម័យប្រជុំដំបូងនៃកិច្ចប្រជុំកំពូលអាវុធ លោក Austin និយាយ ថា “ការជួបជុំថ្ងៃនេះ នឹងក្លាយជាក្រុមទំនាក់ទំនងប្រចាំខែ ស្តីពីស្វ័យការពាររបស់អ៊ុយក្រែន”។
លោកបន្ថែមថា “ក្រុមទំនាក់ទំនងនេះ នឹងជាយានជំនិះសម្រាប់ប្រជាជាតិដែលមានសុច្ឆន្ទៈក្នុងការពង្រឹងកិច្ចខិតខំប្រឹងប្រែងរបស់យើង សម្របសម្រួលជំនួយរបស់យើង និងផ្តោតលើជ័យជម្នះនៃការប្រយុទ្ធនៅថ្ងៃនេះ និងការតស៊ូនាពេលខាងមុខ”។

ប្រទេសចំនួន ៤០ បានចូលរួមកិច្ចប្រជុំកាលពីថ្ងៃអង្គារ នៅឯមូលដ្ឋានទ័ពអាកាសអាមេរិក Ramstein ភាគនិរតីប្រទេសអាល្លឺម៉ង់ រួមទាំងសមាជិកអង្គការណាតូ ប៉ុន្តែក៏មានប្រទេសមួយចំនួនដូចជាអ៊ីស្រាអែល ជប៉ុន និងអូស្ត្រាលីផងដែរ។
នៅពេលចាប់ផ្តើមកិច្ចចរចា Austin លើកឡើងថា ទីក្រុងវ៉ាស៊ីនតោននឹងធ្វើអ្វីៗ ដើម្បីជួយអ៊ុយក្រែនឲ្យឈ្នះការប្រយុទ្ធរបស់ខ្លួនប្រឆាំងនឹងការលុកលុយដោយមិនញញើតរបស់រុស្ស៊ី៕
ប្រែសម្រួល៖ Vann Vann

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៨ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ