ព័ត៌មានអន្ដរជាតិ

អនុប្រធានាធិបតីអាមេរិកលោកស្រី Harris ឆ្លងកូវីដ

បានផុស

៣ years មុន

នៅ

ថ្ងៃពុធ ២៧ មេសា ២០២២

ដោយ

អនុប្រធានាធិបតីសហរដ្ឋអាមេរិក លោកស្រី Kamala Harris បានធ្វើតេស្តរកឃើញឆ្លងកូវីដ-១៩ នៅថ្ងៃអង្គារ៍ម្សិលមិញ ប៉ុន្តែមិនមានរោគសញ្ញាទេដែលការឆ្លងនេះចំពេលមានករណីឆ្លងច្រើនក្នុងចំណោមបុគ្គលិកសេតវិមាន។ នេះបើតាមអ្នកនាំពាក្យបាននិយាយ។

អ្នកស្រី Kirsten Allen ជាលេខាធិការទទួលបន្ទុកសារព័ត៌មានរបស់លោកស្រីអនុប្រធានាធិបតី បានបញ្ជាក់ថា លោកស្រី Harris មិនបានទំនាក់ទំនងផ្ទាល់ជាមួយលោកប្រធានាធិបតី ចូ បៃដិន ឬស្ត្រីទី១លោកស្រី Jill Biden ទេ ដោយសារកម្មវិធីធ្វើដំណើររបស់ពួកគាត់។ លោកស្រីនឹងស្ថិតនៅដាច់ដោយឡែក និងវិលត្រឡប់ទៅសេតវិមានវិញនៅពេលការធ្វើតេស្តបង្ហាញអវិជ្ជមាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីពិគ្រោះយោបល់ជាមួយវេជ្ជបណ្ឌិត លោកស្រី Harris ត្រូវបានផ្តល់វេជ្ជបញ្ជា និងថ្នាំគ្រាប់ Paxlovid ដើម្បីព្យាបាល។ អ្នកស្រី Allen បានបញ្ជាក់។

មន្ត្រីជាន់ខ្ពស់ម្នាក់របស់រដ្ឋបាលបាននិយាយថា កាលពីថ្ងៃអង្គារ៍ លោកស្រី Harris បានទៅសេតវិមាន ហើយបានធ្វើតេស្តក៏បង្ហាញលទ្ធផលវិជ្ជមាន និងបានចាកចេញមុនពេលជួបលោកប្រធានាធិបតី ចូ បៃដិន។

មន្ត្រីសុខាភិបាលសាធារណៈបានឲ្យដឹងថា ការឆ្លងជំងឺកូវីដបានកើនឡើងតាមកន្លែងមួយចំនួននៅសហរដ្ឋអាមេរិកដោយសារវីរុសបំប្លែងថ្មី Omicron BA.2 បើទោះជាករណីឆ្លងទូទៅបានធ្លាក់ចុះ។

ក្នុងប៉ុន្មានសប្តាហ៍ចុងក្រោយនេះបុគ្គលិកនៅសេតវិមានដូចជាសុភាពបុរសទី២ លោក Doug Emhoff ជាស្វាមីរបស់លោកស្រី Harris, នាយកទំនាក់ទំនងរបស់លោកស្រី Harris គឺលោក Jamal Simmons, រដ្ឋលេខាធិការទទួលសារព័ត៌មានរបស់សេតវិមាន លោកស្រី Jen Psaki និងអនុរដ្ឋលេខាធិការសារព័ត៌មានលោក Karine Jean-Pierre សុទ្ធតែឆ្លងកូវីដ-១៩៕

ប្រែសម្រួល៖ វីរបុត្រ
ប្រភព៖ Reuters

Related Topics:សហរដ្ឋអាមេរិក