ព័ត៌មានអន្ដរជាតិ
លោក Blinken នឹងថ្លែងសុន្ទរកថាស្តីពីយុទ្ធសាស្ត្រសន្តិសុខជាតិអាមេរិកពាក់ព័ន្ធនឹងចិន
រដ្ឋមន្ត្រីក្រសួងការបរទេសសហរដ្ឋអាមេរិក លោក Antony Blinken បាននិយាយនៅថ្ងៃអង្គារ៍ ទី២៦ ខែមេសា ម្សិលមិញថា លោកនឹងថ្លែងសុន្ទរកថានៅក្នុងប៉ុន្មានសប្តាហ៍ខាងមុខនេះស្តីអំពីយុទ្ធសាស្ត្រសន្តិសុខជាតិដែលរង់ចាំយូរមកហើយពាក់ព័ន្ធនឹងឥទ្ធិពលរបស់ចិនកំពុងកើនឡើង។
លោក Blinken បានប្រាប់សវនាការរបស់គណៈកម្មាធិការទំនាក់ទំនងការបរទេសព្រឹទ្ធសភាថា ៖«ខ្ញុំនឹងមានឱកាសមួយ តាមខ្ញុំគិត ឆាប់ៗនាប៉ុន្មានសប្តាហ៍ខាងមុខនេះ នឹងថ្លែងជាសាធារណៈ ហើយផ្នែកខ្លះលំអិតអំពីយុទ្ធសាស្ត្រ»។
បន្ទាប់ពីចូលកាន់តំណែងរយៈពេលជាងមួយឆ្នាំមក រដ្ឋបាលប្រធានាធិបតី ចូ បៃដិន បានប្រឈមនឹងការរិះគន់ពីគណបក្សសាធារណៈ និងអ្នកផ្សេងទៀតចំពោះកង្វះយុទ្ធសាស្ត្រផ្លូវការសម្រាប់ការដោះស្រាយជាមួយចិន ដែលជាប្រទេសសេដ្ឋកិច្ចធំបំផុតលំដាប់ទី២ក្នុងលោក និងជាគូប្រជែងយុទ្ធសាស្ត្រធំបំផុតរបស់ទីក្រុងវ៉ាស៊ីនតោន។
រដ្ឋបាលក្រុងវ៉ាស៊ីនតោនបានប្រកាសយុទ្ធសាស្ត្រមួយហើយសម្រាប់តំបន់ឥណ្ឌូ-ប៉ាស៊ីហ្វីក កាលពីខែកុម្ភៈដែលខ្លួនបានប្តេជ្ញាបង្កើនចំណងការទូត និងធនធានសន្តិសុខបន្ថែមទៀតដល់តំបន់ជាអ្វីដែលត្រូវបានគេមើលឃើញថា ចិនកំពុងមានឥទ្ធិពលលេចធ្លោ។
ទីក្រុងវ៉ាស៊ីនតោនបាននិយាយថា ខ្លួនកំពុងរៀបចំយុទ្ធសាស្ត្រដាច់ដោយឡែកមួយសម្រាប់ប្រទេសចិន ប៉ុន្តែត្រូវបានរំខានដោយការវាយប្រហាររបស់រុស្ស៊ីនៅអ៊ុយក្រែន។
ក្នុងសវនាការរបស់គណៈកម្មាធិការព្រឹទ្ធសភា សមាជិកព្រឹទ្ធសភា លោក Mitt Romney បានធ្វើការកត់សំគាល់ពីសកម្មភាពការពារជាតិចុងក្រោយបំផុតដែលទាមទារឲ្យលោកប្រធានាធិបតីអភិវឌ្ឍយុទ្ធសាស្ត្រទូលំទូលាយមួយដើម្បីដោះស្រាយនឹងការគំរាមកំហែងដែលចិនបង្កឡើងដល់សណ្ឋាប់ធ្នាប់ពិភពលោក និងបានសួរលោក Blinken អំពីកិច្ចព្រមព្រៀងយោធាដែលចិនទើបតែចុះហត្ថលេខាជាមួយកោះ Solomon កាលពីពេលថ្មីៗនេះ។
«នោះជាអាសន្នមួយ»។ លោក Romney មានប្រសាសន៍។
លោករដ្ឋមន្ត្រី Blinken បានលើកឡើងថា ក្រសួងការបរទេសបានបញ្ជូនគណៈប្រតិភូជាន់ខ្ពស់មួយទៅកាន់កោះ Solomon ដែលជាកន្លែងខ្លួនគ្រោងនឹងបើកស្ថានទូតមួយ។
«យើងមានកង្វល់អំពីកិច្ចព្រមព្រៀងនេះ»។ Blinken មានប្រសាសន៍ និងបញ្ជាក់ថា គណៈប្រតិភូអាមេរិកបានជួបនាយករដ្ឋមន្ត្រីរបស់កោះ ហើយនាយករដ្ឋមន្ត្រីបានប្តេជ្ញាថា នឹងមិនមានមូលដ្ឋានទ័ពចិននៅលើកោះរបស់ខ្លួនទេ។
លោកបន្តថា ៖«យើងនឹងតាមដានដោយយកចិត្តទុកក្នុងរយៈពេលលប៉ុន្មានសប្តាហ៍ និងខែនាពេលខាងមុខ»។
ប្រធានាធិបតីសហរដ្ឋអាមេរិក លោក ចូ បៃដិន នឹងជួបជាមួយមេដឹកនាំអាស៊ានទាំង១០ប្រទេសក្នុងកិច្ចប្រជុំកំពូលនៅទីក្រុងវ៉ាស៊ីនតោនដែលគ្រោធ្វើនៅថ្ងៃទី១២-១៣ ខែឧសភា ហើយចុងខែនេះ លោកត្រូវបានគេរំពឹងនឹងធ្វើដំណើរទស្សនកិច្ចមកកាន់តំបន់អាស៊ី ក្នុងនោះមានប្រទេសកូរ៉េខាងត្បូង និងជប៉ុនជាដើម៕
ប្រែសម្រួល៖ វីរបុត្រ
ប្រភព៖ Reuters
អភិបាលខណ្ឌឬស្សីកែវ បញ្ជាឱ្យជំនាញពាក់ព័ន្ធតាមដានត្រួតពិនិត្យជួសជុលកែលំអផ្លូវថ្នល់ ដែលមានការខូចខាត
រដ្ឋមន្ត្រីមហាផ្ទៃប្រាប់ក្រុមការងារចុះមូលដ្ឋានបញ្ឈប់កិច្ចអន្តរាគមន៍យកមន្ត្រីក្រៅមូលដ្ឋានមកកាន់តំណែង
មហាជនបារម្ភ! ក្រោយឃើញអ្នកជិះកង់សប្បុរសធម៌ ជំនះធ្វើដំណើរកាត់ព្រិល រឹងខ្លួនប្រាណសឹងនិយាយលែងបាន
ព្រះខ័នរាជស្វាយរៀងនាំចូលប្រយុទ្ធថ្មី Caetano ត្រៀមពានអាស៊ី
កម្លាំងនាយកដ្ឋានព្រហ្មទណ្ឌ បំបែកសំណុំរឿងឃាតកម្មនៅស្រុកឈូក ខេត្តកំពត
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៨ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត