ប៉ូឡូញ ឃុំខ្លួនមនុស្ស ៧នាក់ ពាក់ព័ន្ធការធ្វើចារកម្មឲ្យរុស្ស៊ី និងបេឡារុស

ប្រទេសប៉ូឡូញ បានឃុំខ្លួនពលរដ្ឋ និងជនបរទេសចំនួនប្រាំពីរនាក់ ពីបទធ្វើចារកម្មសម្រាប់ប្រទេសរុស្ស៊ី និងបេឡារុស ចាប់តាំងពីប្រតិបត្តិការយោធាចាប់ផ្តើមក្នុងប្រទេសអ៊ុយក្រែន។ នេះបើតាមការឲ្យដឹងពីអ្នកនាំពាក្យរបស់រដ្ឋមន្ត្រី សម្របសម្រួលសេវាកម្មពិសេសប៉ូឡូញលោក Stanislaw Zaryn នៅថ្ងៃពុធទី២៧ខែមេសា។

នៅព្រឹកថ្ងៃដដែលនេះ ប៉ូឡូញបានឃុំខ្លួនពលរដ្ឋរុស្ស៊ីម្នាក់ និងពលរដ្ឋបេឡារុសម្នាក់ ពីបទធ្វើចារកម្មឲ្យសេវាស៊ើបការណ៍សម្ងាត់របស់រុស្ស៊ី។

លោក Zaryn បានប្រាប់ទូរទស្សន៍ប៉ូឡូញថា “យើងកំពុងដោះស្រាយជាមួយនឹងការធ្វើសកម្មភាពចារកម្ម ប្រឆាំងនឹងប្រទេសប៉ូឡូញ។ ចាប់តាំងពីការផ្ទុះសង្រ្គាមនៅអ៊ុយក្រែនមក ពលរដ្ឋប៉ូឡូញ ឬជនបរទេសចំនួនប្រាំពីរនាក់ ត្រូវបានឃុំខ្លួនរួចទៅហើយ ដោយសារតែធ្វើសកម្មភាពជំនួសមុខឲ្យចារកម្មរុស្ស៊ី ឬបេឡារុស”៕

ប្រែសម្រួល៖ Vann Vann

ប្រភព៖ Sputnik

ចុចអាន៖ មានការផ្ទុះជាច្រើនលើក នៅក្នុងទីក្រុងរបស់ រុស្ស៊ី