ព័ត៌មានអន្ដរជាតិ

មកដឹងប្រវែងតុដែលលោក Putin តែងដាក់ចរចាជាមួយមេដឹកនាំកំពូលៗ

បានផុស

៣ years មុន

នៅ

ថ្ងៃព្រហស្បតិ៍ ២៨ មេសា ២០២២

ដោយ

នេះមិនមែនជាលើកទីមួយទេដែលលោកប្រធានាធិបតីរុស្ស៊ី Vladimir Putin អង្គុយនៅតុដ៏វែងសម្រាប់កិច្ចចរចាជាមួយមេដឹកនាំកំពូលៗលើពិភពលោក ហើយក៏កំពុងមានការងឿងឆ្ងល់ពីប្រវែងរបស់វាផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចុះផ្សាយដោយសារព័ត៌មាន Business Insider បានឲ្យដឹងថា តុដែលលោក Putin តែងដាក់ចរចាជាមួយប្រមុខដឹកនាំកំពូលលើពិភពលោកនោះមានប្រវែង ៤ ម៉ែត្រ ។

តុចរចានេះបានទទួលការស្វាគមន៍មេដឹកនាំជាច្រើនរូប តួយ៉ាងកាលពីថ្ងៃពុធលោក Putin បានជួបពិភាក្សាជាមួយអគ្គលេខាធិការអង្គការសហប្រជាជាតិ (UN) លោក Antonio Guterres ដែលបំពេញទស្សនកិច្ចនៅទីក្រុងមូស្គូស្ដីពីបញ្ហាជាច្រើន ជាពិសេសសង្គ្រាមលុកលុយរបស់រុស្ស៊ីលើអ៊ុយក្រែន ។

ចំណែកកាលពីពាក់កណ្ដាលខែកុម្ភៈ ឆ្នាំ ២០២២ តុប្រវែង ៤ ម៉ែត្រមួយនេះក៏ដាក់ទទួលយ៉ាងពិសេសសម្រាប់លោកប្រធានាធិបតីបារាំង Emmanuel Macron ក្នុងការចរចាស្ដីពីស្ថានភាពនៅអ៊ុយក្រែន និងការធានាសន្តិសុខរបស់រុស្ស៊ី ។

ទន្ទឹមនោះការដាក់តុប្រវែង ៤ ម៉ែត្រនេះឡើងក៏ដោយសារតែនៅពេលនោះលោក Macron មិនធ្វើតេស្តរកកូវីដតាមម៉ាស៊ីនធំ PCR ដោយភ័យខ្លាចក្រុមគ្រូពេទ្យរុស្ស៊ីយកសំណាក DNA របស់លោក ដូច្នេះទើបតម្រូវឲ្យប្រធានាធិបតីបារាំងរូបនេះនៅឆ្ងាយពីលោក Putin តាមរយៈការរក្សាគម្លាតសង្គមបែបនេះ ៕