ព័ត៌មានអន្ដរជាតិ

ចិន ព្រមានលែងនាំចូលទុរេន ថៃ បើបន្តរកឃើញកូវីដ

បានផុស

៣ years មុន

នៅ

ថ្ងៃព្រហស្បតិ៍ ២៨ មេសា ២០២២

ដោយ

ចិនបានចេញលិខិតព្រមានជាផ្លូវការលើកដំបូងដល់ប្រទេសថៃ ប្រសិនបើបន្តរកឃើញជំងឺកូវីដ ១៩ នៅក្នុងទុរេនថៃម្ដងទៀត ហើយក៏នឹងហាមមិនឱ្យនាំចូលឆ្លងកាត់តាមច្រកម៉ូហានផងដែរ ។ នេះបើតាមការបញ្ជាក់របស់អភិបាលខេត្តច័ន្ទបុរ៉ី បន្ទាប់ពបានជួបពិភាក្សាគ្នាជាមួយអាជ្ញាធរចិន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី២៧ ខែមេសា ឆ្នាំ២០២២ លោក Sutee Thongyam អភិបាលខេត្តច័ន្ទបុរ៉ីបាននិយាយថា មានព័ត៌មានរកឃើញជំងឺកូវីដ ១៩ នៅក្នុងទុរេនថៃចំនួន ៨ ទូកុងតឺន័រ ដែលដឹកឆ្លងកាត់តាមប៉ុស្តិ៍ត្រួតពិនិត្យម៉ូហាន(Mohan) ។

ដំបូងឡើយមានព័ត៌មានថា រដ្ឋាភិបាលចិននឹងបិទប៉ុស្តិ៍ត្រួតពិនិត្យ (Mohan) រយៈពេល ៥ ថ្ងៃ ប៉ុន្តែខាងឯកអគ្គរាជទូតកសិកម្ម និងទូតពាណិជ្ជកម្មថៃបានចរចាជាមួយអាជ្ញាធរចិនដើម្បីសម្របសម្រួលថា ប្រសិនបើប៉ុស្តិ៍ត្រួតពិនិត្យត្រូវបានបិទរយៈពេល ៥ ថ្ងៃ វានឹងធ្វើប៉ះពាល់យ៉ាងខ្លាំងចំពោះផលិតផលនាំចេញរបស់ថៃដែលកំពុងតម្រង់ជួររង់ចាំដឹកចេញ ។

ក្រោយមកក៏មានការយល់ព្រមគ្នាឱ្យផ្អាកការនាំចូលទុរេនរយៈពេល ៥ ថ្ងៃចំពោះតែប្រតិបត្តិករ ៦នាក់ ឬ (៦ក្រុមហ៊ុន) ដែលបានបញ្ជូនផលិតផលទៅហើយរកឃើញកូវីដ ១៩ ដើម្បីឱ្យពង្រឹងគុណភាពឡើងវិញ ប៉ុន្តែនៅពេលខាងមុខ ប្រសិនបើចិនត្រួតពិនិត្យរកឃើញកូវីដ ១៩ ពីទុរេនថៃម្ដងទៀតនោះ ចិននឹងបង្កើនវិធានការកាន់តែតឹងរ៉ឹងថែមទៀត ៕

ប្រែសម្រួលដោយ ៖ គង់ សំអាន

ប្រភព ៖ Prachachat

ចុចអាន ៖ អ្នកទៅលេង ថៃ នឹងលែងតេស្តរកកូវីដ និងធ្វើចត្តាឡីស័កហើយ បើមាន លក្ខខណ្ឌទាំងនេះ