ប្រទេសអឺរ៉ុបណាខ្លះហើយ ដែលយល់ព្រមទូទាត់ប្រាក់ រូបិ៍ល ក្នុងការទិញឧស្ម័នពីរុស្ស៊ី?

រុស្ស៊ីនិយាយថា ខ្លួនលែងផ្គត់ផ្គង់ឧស្ម័នទៅឲ្យប៉ូឡូញ និងប៊ុលហ្គារីទៀតហើយ បន្ទាប់ពីប្រទេសទាំងនេះ បដិសេធទូទាត់លើការផ្គត់ផ្គង់របស់ពួកគេជាប្រាក់ រូបិ៍ល។

ស្របពេលជាមួយគ្នានោះ សហភាព​អឺរ៉ុប (EU) ​និយាយ​ថា ខ្លួន​ចាត់​ទុក​ចំណាត់​ការ​នេះ​ថា​ជា​ទម្រង់​នៃ​ការ​គំរាម​កំហែង។

ប្រធានគណៈកម្មការសហភាពអឺរ៉ុប លោកស្រី Ursula von der Leyen បានព្រមានថា ការអនុវត្តតាមការទាមទាររបស់រុស្ស៊ី នឹងបំពានលើទណ្ឌកម្មរបស់ EU ហើយនឹងមានហានិភ័យខ្ពស់សម្រាប់ក្រុមហ៊ុនដែលធ្វើដូច្នេះ។

ក្រុមហ៊ុនឧស្ម័ននៅក្នុងប្រទេស EU​ មួយចំនួន រួមមានអាល្លឺម៉ង់ ហុងគ្រី និងស្លូវ៉ាគី បានយល់ព្រមទូទាត់សម្រាប់ឧស្ម័នជាប្រាក់អឺរ៉ូ តាមរយៈធនាគាររុស្ស៊ី Gazprombank ដែលបន្ទាប់មកនឹងបំប្លែងការទូទាត់ទៅជាប្រាក់ រូបិ៍ល។

កាសែត Financial Times បានរាយការណ៍ថា ក្រុមហ៊ុនឧស្ម័ននៅក្នុងប្រទេសអូទ្រីស និងអ៊ីតាលី ក៏គ្រោងនឹងបើកគណនីជាមួយ Gazprombank ផងដែរ៕

ប្រែសម្រួល៖ Vann Vann

ប្រភព៖ BBC

ចុចអាន៖ អង់គ្លេស ថា សង្គ្រាម រុស្ស៊ី – អ៊ុយក្រែន អាច អូស បន្លាយ ពេលដល់ទៅ មួយទសវត្សរ៍