ព័ត៌មានអន្ដរជាតិ

ប្រទេស អាស៊ាន មួយនេះអះអាងថា លោក Putin នឹងចូលរួមកិច្ចប្រជុំ G20

បានផុស

៣ years មុន

នៅ

ថ្ងៃសៅរ៍ ៣០ មេសា ២០២២

ដោយ

ប្រធានាធិបតីឥណ្ឌូណេស៊ីលោក Joko Widodo បាននិយាយថា ប្រធានាធិបតីរុស្ស៊ីលោក Vladimir Putin នឹងចូលរួមកិច្ចប្រជុំកំពូលក្រុមប្រទេស G20 ដែលឥណ្ឌូណេស៊ីធ្វើជាម្ចាស់ផ្ទះ និងគ្រោងធ្វើឡើងខែវិច្ឆិកាឆ្នាំនេះនៅកោះបាលី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអះអាងនេះធ្វើឡើង បន្ទាប់ពីប្រទេសសមាជិកកំពុងពិចារណាថាតើលោក Putin គួរត្រូវបានអនុញ្ញាតឲ្យចូលរួមដែរឬអត់ទាក់ទងនឹងសង្គ្រាមលុកលុយរបស់រុស្ស៊ីលើអ៊ុយក្រែន ។

កាលពីថ្ងៃសុក្រលោក Joko បានលាតត្រដាង ក្នុងអំឡុងពេលកិច្ចពិភាក្សាតាមទូរស័ព្ទជាមួយលោក Putin កាលពីថ្ងៃមុនថា លោក Putin បានបង្ហាញពីបំណងរបស់លោកក្នុងការចូលរួមកិច្ចប្រជុំ G20 នៅឆ្នាំនេះ ។ លោកក៏បាននិយាយដែរថា មេដឹកនាំរុស្ស៊ីរូបនេះក៏បានថ្លែងអំណរគុណចំពោះការអញ្ជើញរបស់លោក Joko ផងដែរ ។

ទន្ទឹមនោះអ្នកនាំពាក្យប្រធានាធិបតីទីក្រុងមូស្គូលោក Dmitry Peskov បាននិយាយកាលពីថ្ងៃសុក្រថា ប្រទេសរុស្ស៊ីកំពុងរៀបចំខ្លួនដើម្បីចូលរួមកិច្ចប្រជុំកំពូលនេះ ប៉ុន្តែវាលឿនពេកក្នុងការពិភាក្សាបញ្ហាលម្អិតណាមួយ ។

ស្របពេលជាមួយគ្នានេះលោក Joko ក៏បានបន្តការអញ្ជើញពិសេសមួយទៅកាន់ប្រធានាធិបតីអ៊ុយក្រែន Volodymyr Zelenskyy ផងដែរ ក្នុងអំឡុងកិច្ចពិភាក្សាតាមទូរស័ព្ទកាលពីថ្ងៃពុធ ៕