រុស្ស៊ី ថា សង្គ្រាមអ៊ុយក្រែននឹងចប់ បើអាមេរិក និងណាតូ ធ្វើរឿងទាំងនេះ

រដ្ឋមន្ត្រីការបរទេសរុស្ស៊ីលោក Sergei Lavrov បានប្រាប់សារព័ត៌មានចិន Xinhua ថា សហរដ្ឋអាមេរិក និងអង្គការណាតូគួរតែបញ្ឈប់ការផ្តល់អាវុធដល់អ៊ុយក្រែន ប្រសិនបើពួកគេស្វែងរកការបញ្ចប់វិបត្តិសង្គ្រាមលុកលុយនៅអ៊ុយក្រែន ។

លោក Lavrov បាននិយាយថា “ប្រសិនបើសហរដ្ឋអាមេរិក និងណាតូពិតជាចាប់អារម្មណ៍ក្នុងការដោះស្រាយវិបត្តិអ៊ុយក្រែនមែននោះ ជាដំបូងពួកគេគួរតែយល់ឃើញពីការបញ្ឈប់ផ្គត់ផ្គង់អាវុធ និងគ្រាប់កាំភ្លើងដល់ទីក្រុងកៀវ” ។

លោករដ្ឋមន្ត្រីបានបន្ថែមថា ប្រជាជនអ៊ុយក្រែនមិនត្រូវការមីស៊ីល Javelins និងមីស៊ីល Stingers នោះទេ ប៉ុន្តែពួកគេត្រូវការជំនួយមនុស្សធម៌ ។

លោក Lavrov បាននិយាយថា “តាមរយៈការគាំទ្រជាសាធារណៈដល់ទីក្រុងកៀវ បណ្តាប្រទេសណាតូកំពុងធ្វើអ្វីគ្រប់យ៉ាងដើម្បីរារាំងការបញ្ចប់ប្រតិបត្តិការយោធាពិសេសរបស់រុស្ស៊ីតាមរយៈកិច្ចព្រមព្រៀងនយោបាយ” ។

ជាចុងក្រោយលោករដ្ឋមន្ត្រីការបរទេសបានលាតត្រដាងពីភាពលាក់ពុតដែលកំពុងរីករាលដាល និងស្តង់ដារពីរ ដែលបណ្តាប្រទេសលោកខាងលិចបានបង្ហាញនាពេលថ្មីៗនេះ ដោយអូសទាញជម្លោះអ៊ុយក្រែនកាន់តែវែងឆ្ងាយ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ រុស្ស៊ី មិនធ្វើសង្គ្រាមនុយក្លេអ៊ែរជាមួយប្រទេសណាទេ ពិសេសលោកខាង លិច និងអ៊ុយក្រែន