ព័ត៌មានអន្ដរជាតិ

លោក Zelensky ថា ទាហាន រុស្ស៊ី ប៊ិះតែនឹងធ្វើឃាតលោកទៅហើយ

បានផុស

៣ years មុន

នៅ

ថ្ងៃសៅរ៍ ៣០ មេសា ២០២២

ដោយ

ប្រធានាធិបតីអ៊ុយក្រែនលោក Volodymyr Zelensky បានអះអាងថា លោកស្ទើរតែត្រូវបានធ្វើឃាតដោយក្រុមវាយប្រហារលោតឆ័ត្រយោងរបស់រុស្ស៊ីទៅហើយ ហើយនៅពេលនេះទាហានរុស្ស៊ីក៏កំពុងតាមចាប់លោកគ្រប់វិនាទីផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតតារាសម្ដែងរូបនេះបានបង្ហើបថា នៅថ្ងៃដំបូងនៃសង្រ្គាមលុកលុយរបស់រុស្ស៊ីកាលពីថ្ងៃទី ២៤ ខែកុម្ភៈដើមឆ្នាំនេះ ការប៉ុនប៉ងចំនួន ២ ត្រូវបានធ្វើឡើងដើម្បីសម្រុកចូលបរិវេណប្រធានាធិបតី ខណៈដែលលោក និងប្រពន្ធជាមួយនឹងកូន ២ នាក់របស់លោកក៏នៅខាងក្នុងនោះផងដែរ ហើយម្នាក់ៗសុទ្ធតែកាន់អាវុធស្វ័យប្រវត្តិ និងពាក់អាវក្រោះការពារគ្រាប់ ។

ប៉ុន្តែលោក Zelenskyy អាយុ ៤៤ ឆ្នាំបានរួចរស់ជីវិតពីការប៉ុនប៉ងធ្វើឃាត និងផែនការចាប់ពង្រត់ជាហូរហែរ មុនពេលបន្តការពារប្រទេសជាតិ និងជំរុញសម្ព័ន្ធមិត្តក្នុងការទប់ទល់នឹងការលុកលុយរបស់លោក ពូទីន ។

បន្ទាប់ពីការរត់គេចខ្លួនពីមួយពេលទៅមួយពេល លោក Zelensky ទើបតែបង្ហាញខ្លួនតាមដងផ្លូវជាសាធារណៈកាលពីថ្ងៃសុក្រ ហើយបានប្រាប់ក្រុមអ្នកសារព័ត៌មានថា “យើងទាំងអស់គ្នានៅទីនេះ ។ យោធារបស់យើងនៅទីនេះ។ ប្រជាពលរដ្ឋនៅក្នុងសង្គមរបស់យើងគឺនៅទីនេះ ។ យើងទាំងអស់គ្នានៅទីនេះដើម្បីការពារឯករាជ្យជាតិរបស់យើង ប្រទេសរបស់យើង ហើយវានឹងនៅតែដដែល” ។

ទន្ទឹមនោះនៅពេលដែលត្រូវបានណែនាំឲ្យស្វែងរកការជ្រកកោននៅក្នុងលេនដ្ឋានដែលមានសុវត្ថិភាព ឬជម្លៀសទៅកាន់ប្រទេសប៉ូឡូញដែលនៅក្បែរនោះ ប្រធានាធិបតីដ៏ក្លាហានរូបនេះបានបដិសេធ ហើយបានបន្តរស់នៅក្នុងផ្ទះរបស់គាត់ក្នុងទីក្រុងកៀវ តាំងពីពេលនោះមក ។

ជាចុងក្រោយលោក Zelensky បាននិយាយថា “យើងនឹងតស៊ូដើម្បីទឹកដីរបស់យើងទោះក្នុងតម្លៃណាក៏ដោយ ។ យើងនឹងប្រយុទ្ធគ្នានៅគ្រប់ទីកន្លែង ទោះក្នុងព្រៃ វាលស្រែ នៅមាត់ច្រាំង ឬតាមផ្លូវក៏ដោយ“ ៕

ប្រែសម្រួលដោយ ៖ ជីវ័ន្ត

ប្រភព ៖ Daily Star

ចុចអាន ៖ រុស្ស៊ី ថា សង្គ្រាមអ៊ុយក្រែននឹងចប់ បើអាមេរិក និងណាតូ ធ្វើរឿងទាំងនេះ